Basel-Kleinhüningen

Kleihünige, offiziell uf Hochdütsch Kleinhüningen, isch hüte e Quardier vo der Stadtgmeind Basel, wo sit dr zweite Helfti vom 19. Johrhundert stark vo Industrii- und Verchehrsalage brägt isch. Vorhär isch Kleihünige e Fischerdorf gsi und en eigenständigi schwiizerischi Gmeind usserhalb vo de Door vo Basel.

More information Kleihünige Quartier vo Basel ...

Kleihünige
Quartier vo Basel

Flechi

1,36 km²

Iiwohner

2493 (Jan. 2003)

Bevölkerigsdichti

2493 / 1.36 Iiwohner/km²

Usländeraadeil

45,2 %

BFS-Nr.

2701-019

Postleitzahl

4057

Dialäkt: Baseldütsch

Dr Dreiländeregge zwüsche Dütschland, Frankriich und der Schwiiz bildet dr nordwestlichst Punggt vom hütige Chliibasler Quardier. Nordöstlig und östlig gränzt die dütschi Gmeind Wiil am Rhii, südöstlig s Quardier Hirzbrunne, südlig d Wiise mit de Quardier Klybeck und Rosedaal und westlig dr Rhii mit dr französische Gmeind Hünige an s Quardier. Vor dr Iigmeindig zu Basel get sich s Dorf Kleihünige im Süde wiit über d Wiise uuse bis zum Wiiseblatz erstreckt.

Dr Name leitet sich vom gegenüberliggende französische Hünige ab. S Ändi vom Name -ige (-ingen) dütet uf en alamannische Ortsname hi. Die alamannischi Bedütig isch «bi dr Sippe vom Huno».^[1]

Bevölkerig

D Bevölkerig isch brägt dur ihri vilfältigi Härkumft. Näbe 54,8 % Iwohner mit Schwiizer Bürgerrächt het Kleihünige en Adeil vo usländische Staatsaghörige vo 45,2 % (2005). Vo de Schwiizer si 11 bis 12 % (2000) ibürgeret worde.^[2] 47,5 % vo de Iwohner si stimmberächtigti Schwiizer meh 18 Johr alt.^[3]

Wirtschaft

Kleihünige isch en eigentlichs Industriiquardier, es het meh Arbitsblätz as Iwohner und es git meh Industrii- und Verchehrsflechene as Flechene für Wohnige.^[4] Rüümlig dominiert dr Hafe mit de beide Hafebecki, de Gleisalage wo drzue ghöre und Containerterminal.

Bi de öbbe 3800 Beschäftigte in 158 Bedriib dominiert s Gwärb und die verarbeitendi Industrii (Wirtschaftssektor II) mit eme Beschäftigungsadeil vo 62,3 % gegenüber de 37,7 %, wo im Dienstleistigsgwärb (Wirtschaftssektor III) schaffe (2001).^[5]

In Kleihüige findet me sämtligi öffentlige Iirichtige (wie Chille, Post, Schuele). D Iichaufszentre im Wiiler Ortsdeil Friidlige bilde für d Kleihüniger Bevölkerig günstigi Iichaufsmöglichkeite in Fuessdistanz.

Sport

S Quardier het früehner en eigene Iishockeyverein, dr EHC Kleihünige gha, wo aber mit em bankrotte EHC Basel zum EHC Basel-Kleihünige fusioniert het; sidder heisst dr Verein wider nume „EHC Basel“. Kleihünige het usserdäm en eigene Schuttverein, dr VfR Kleihünige, gspilt wird aber uf dr Schorematte in dr unmittelbare Nöchi im Hirzbrunne-Quardier näbedra.

Gebäud und Sehnswürdigkeite

Im alte Dorfzentrum

D Pfarrchille Kleihünige, die ehemolig Dorfchille vo 1710
Christophoruschille
S Pfarrhuus wo dr C.G. Jung währed siiner Jugend drin gläbt het
S Fischerhuus Bürgin vo 1765 uf em Areal vo dr Villa Clavel

Im Hafe

D Usstellig Verkehrsdrehscheibe Schweiz und unser Weg zum Meer
D Ussichtsterrasse Silodurm (Bernoullisilo) vom Architekt Hans Bernoulli
Zwüschen em Rhii und em Hafenbecki I symbolisiert e silbrige Metallpylon dr Dreiländeregge zwüsche Frankriich, dr Schwiiz und Dütschland, wo datsächlig e baar Meter wiiter im Rhii sälber lit. (Koordinate: 611372 / 27088147.5885257.5897972222222)

Literatur

Lüem Barbara: Heimathafen Basel - Die Schweizer Rhein- und Hochseeschifffahrt. Christoph Merian Verlag, Basel 2003, ISBN 3856161899.
Hugger Paul: von der „Dorfidylle“ zum Alltag eines Basler Industriequartiers. Birkhäuser, Basel 1984, ISBN 3764315776.
Giesler-Müller Ulrike: Das alamannische Gräberfeld Basel-Kleinhüningen. In: Basler Beiträge zur Ur- und Frühgeschichte . Nr. 11 B, 1992.
Lüem Barbara: Basel-Kleinhüningen: Der Reiseführer. Christoph Merian Verlag, Basel 2008, ISBN 978-3-85616-352-5.

Basel-Kleinhüningen

Wappe

Gschicht