![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/eb/Struktur_Eidgenossenschaft.png/640px-Struktur_Eidgenossenschaft.png&w=640&q=50)
Underdanegebiet
From Wikipedia, the free encyclopedia
As Underdanegebiet oder Underdaneland het mä in dr Alten Eidgenosseschaft die Gebiet bezeichnet, wo kei politischi Sälbstständigkeit gha hai.
![Thumb image](http://upload.wikimedia.org/wikipedia/commons/thumb/e/eb/Struktur_Eidgenossenschaft.png/640px-Struktur_Eidgenossenschaft.png)
![Thumb image](http://upload.wikimedia.org/wikipedia/commons/thumb/a/a8/Karte_Gemeine-Herrschaften.png/640px-Karte_Gemeine-Herrschaften.png)
Es het im wäsentlige drei Arte vo Underdanegebiet gee:
- D Biet vo de Stadtort. D Macht in de Stadtort isch vo de Bürger vo dr Hauptstadt usgange, beziehigswiis von ere chliine Oberschicht, de Patrizier. Dr Räst vo dene Ort isch faktisch Underdaneland gsi. Allerdings het s au do föderalistischi Strukture gee, wo uf altüberliiferete Freiheitsrächt berueht hai. Innerhalb vom Kanton Bärn het zum Bispil d Stadt Länzbrg oder d Landschaft Haslidaal e Deil vo de lokale Behörde sälber chönne wehle. Im Kanton Züri hai die sogenannte Munizipalstedt Winterthur und Stei am Rhii ihrersiits Underdanegebiet gha.
- D Underdanegebiet vo de Landort. Do isch d Macht vo de Landsgmeinde usgange, aber im Herrschaftsberiich vo dene Ort het s Bezirk gee, wo d Iiwohner kei Mitsproochrächt gha hai. Die Gebiet si gsi:
- Im Kanton Zug d Gmeinde Cham, Hünebärg, Risch (denn Gangolfswil), Steihuuse und Walchwil.
- Im Kanton Schwyz d Bezirk March, Hööf, Eisiidle und Chüsnacht.
- Im Kanton Glarus d Grofschaft Wärdebärg (hüte im Kanton Sanggalle).
- Im Kanton Uri s Urseredaal und s Livinedaal (Leventina, hüt im Kanton Tessin).
- Die Gmeine Herrschafte. Die si mehreren Ort gmeinsam understellt gsi.
Dr Underdanestatus isch vo dr Helvetische Republik in dr ganze Schwiiz abgschafft worde. D Asträngige vo de reaktionäre Kantön währed dr Restauration en wider iizfüehre, si am Widerstand vo de früehnere Underdanegebiet und de europäische Grossmächt gschiiteret.