Bezirk Hööf
Bezirk im Kanton Schwyz i dr Schwiiz / From Wikipedia, the free encyclopedia
Dr Bezirk Hööf isch en Bezirk vom Kanton Schwyz i dr Schwiiz. Dr Bezirk beschtaht us drei politische Gmeinde, Bezirkshauptort isch Wollerau und Pfäffike.
S Gebiet umfasst de Abhang zwüsched Etzel und Zürisee. Di beide Insle Ufnau und Lützelau ghöred ebeso zum Territorium vom Bezirk, Eigetümer sind s Chloschter Einsidle für d Ufnau und d Ortsgmeind Rapperswil für d Lützelau.
Dr Bezirk erläbt derzit es gewaltigs Wachstum vo de Aazahl Iiwohner, wil diä drü Gmeinde di absolut schtüürgünschtigste Gmeinde vo dr ganze Schwiiz sind, und das siit öppe 2001, jedefalls für Privatpersone.