Risch ZG
e Gmeind im Kanton Zoog From Wikipedia, the free encyclopedia
Risch [ˈriːʃ] (mäistens und vo 2007 bis 2013 offiziell Risch Rotchrüz[2][3][4]) isch e politischi Gmäind im Kanton Zug in dr Schwiz.
| S ZG im Lemma isch s offiziell Chürzel vom Kanton Zug und wird bruucht, zum Verwächslige mit Yträäg vom Name Risch vermyde, wo öppis anders meined. |
| Risch | |
|---|---|
 | |
| Basisdate | |
| Staat: | Schwiiz |
| Kanton: | Zug (ZG) |
| Bezirk: | (Dr Kanton Zug kennt kei Bezirk.) |
| BFS-Nr.: | 1707 |
| Poschtleitzahl: | 6343 |
| UN/LOCODE: | CH RTZ |
| Koordinate: | 675324 / 221626 |
| Höchi: | 442 m ü. M. |
| Flächi: | 22,90 km² |
| Iiwohner: | 11'253 (31. Dezämber 2022)[1] |
| Website: | www.rischrotkreuz.ch |
| Charte | |
 | |
D Gmäind wird us dr Chliistadt Rotchrüz und de Dörfer Risch, Buonas und Holzhüüsere und em Wyler Ibike bildet.[5][6]
Si lit in dr Region Ennetsee und isch Däil vo dr Metropolregioon Züüri. Wäge dr Nööchi zur Groossstadt, em Status as Energiistadt und em niidrige Stüürfuess isch Risch äini vo de attraktivste Gmäinde in dr Schwiz[7] und het die höggste Standortkwalidääte im Land.[8] D Bevölkerig waggst im Joor um 1,7 Brozänt und Risch ghöört zu de Schwizer Gmäinde, wo am sterkste waggse.[8] D Gmäind het 10'439 Iiwooner (30. Juni 2015) und isch die viertgrössti im Kanton Zug.[9]
Noch dr milidärische Interwenzioon vo Frankriich in dr Schwiz im Joor 1798 si d Vogtei Gangolfswil und d Herrschaft Buonas zur hütige politische Gmäind Risch zämmegfasst worde.[10] Wo d Iisebaan baut worde isch, isch Rotchrüz zum wirtschaftlige Zentrum worde[11] und wo det s Roothuus baut worde isch au zum Hauptort vo dr Gmäind Risch.[6][12] Wäge däm häisst si de facto Risch Rotchrüz[2][3][4] und vo 2007 bis 2013 au offiziell. Sithär isch de Doppelname no i de Webadrässe und im Logo vo de Gmäind dine. Im Joor 2009 het dr Ort Risch si 850. Jubileum gfiirt.
Bekannt isch d Gmäind dur e Peter vo Hertestäi, wo doo die bäbstligi Schwizergarde gründet het,[13] dur s Guet Aabach, d Schlösser Buonas und Fröidebärg, dr grösst Golfblatz in dr Schwiz,[14] dr wichdig Baanhof Rotchrüz und as regional wichdige Farmastandort dur Roche Diagnostics (Hauptsitz vom Undernääme und Fortbildigszentrum) und Novartis (Standortzentralisierig).
Quälle: Bundesamt für Statistik 2005[15]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iiwoner | 1005 | 1027 | 896 | 1235 | 1171 | 1047 | 1106 | 1258 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iiwoner | 1281 | 1449 | 1630 | 2038 | 3182 | 3988 | 5414 | 7241 |
De Uusländeraatäil isch 2015 bi 26,6 % gläge.[16]
62,9 % vo de Iiwoner sind im Jaar 2000 römisch-katholisch gsii, 15,6 % evangelisch-reformiert.[16]
De Gmäindspresidänt vo Riisch isch de Peter Hausherr (Stand Novämber 2017).
Bi de Volchszellig 2000 hend vo dr 7241 Iiwoner 84,3 % Tüütsch als Hauptspraach aagää, 1,1 % Franzöösisch, 2,7 % Italienisch und 11,9 % anderi Spraache.[16]
De Tieläkt vo Riisch liit im Übergangsberiich vom Hoochalemannisch zum Hööchschtalemannisch.
- Linus Birchler: Die Kunstdenkmäler des Kantons Zug, Band I: Einleitung und Zug-Land. (= Kunstdenkmäler der Schweiz. Band 5). Hrsg. von der Gesellschaft für Schweizerische Kunstgeschichte GSK. Bern 1934.
- Richard Hediger: Risch – Geschichte der Gemeinde. Herausgegeben vom Gemeinderat Risch. Prestel, Rotkreuz 1986.
- Rudolf Barmettler, Richard Hediger, Karl Zenklusen: Gemeinde Risch. Anderhub, Rotkreuz 1992.
- Alex Baumgartner: Gangolfswil. Spurensuche auf dem Golfplatz In: Zug erkunden – Bildessays und historische Beiträge zu 16 Zuger Schauplätzen. Jubiläumsband 650 Jahre eidgenössisch. Staatsarchiv Zug (Hrsg.) im Auftrag von Regierungsrat und Gemeinden des Kantons Zug. Balmer Verlag, Zug 2002, ISBN 3-85548-055-9.
- Josef Grünenfelder: Die ehemaligen Vogteien der Stadt Zug. Die Kunstdenkmäler des Kantons Zug – Neue Ausgabe Band II, 108. Band des Gesamtwerkes. Gesellschaft für Schweizerische Kunstgeschichte, Bern 2006, ISBN 3-906131-83-1.
- Eugen Gruber: Geschichtliche Tatsachen aus den mittelalterlichen Urkunden und Dokumenten von Stadt und Land Zug. Zürcher, Zug 1951.
- Eugen Gruber: Grundfragen zugerischer Geschichte. Dossenbach, Baar 1952.
- Eugen Gruber: Geschichte des Kantons Zug. Francke, Bern 1968.
- Josef Grünenfelder, Richard Hediger: Pfarrkirche St. Verena in Risch ZG. Schweizerischer Kunstführer Nr. 346, Rotkreuz 1984.
- Direktion für Bildung und Kultur des Kantons Zug (Hrsg.): ZG – Ein Heimatbuch. Balmer, Zug 1999, ISBN 3-85548-052-4.
- Sibylle Omlin, Christian Raschle, Sonja Stauffer, Josef Wüest: Zug – Stadt und Kanton. Balmer, Zug 2002, ISBN 3-85548-048-6.
- Beat Dittli: Zuger Ortsnamen. Lexikon der Siedlungs-, Flur- und Gewässernamen im Kanton Zug. Lokalisierung, Deutung, Geschichten. 5 Bände und ein Kartenband. Zug 2007, ISBN 978-3-85548-058-6.
- Website vo de Gmäind Risch
- Website vo dr Burgergmeind Risch
- Renato Morosoli: Risch. In: Historisches Lexikon vo dr Schwiiz.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
