Dr Śri Gupta (240–280 n. d. Z.)[1] isch e Köönig in Nordindie gsi und Gründer vo dr Gupta Dünastii. Mä nimmt aa, ass er über e Däil vom nördlige oder zentrale Bengale gherrscht het.
S eltiste Züügnis vo dr Existänz vom Sri Gupta isch vom Mönch I-tsing öbbe us em Joor 690 n. d. Z. Er schribt, ass uf dr Puna Inschrift vo dr Prabhavati Gupta, won e Dochder vom Chandragupta II. gsi isch, dr Maharaja Sri-Gupta as Gründer vo dr Gupta Dünastii gnennt wird.[1] Noch em I-tsing het dr Śri Gupta z Mṛgaśikhāvana e Tämpel lo baue für die Buddhistische Pilger us China und em 40 Dörfer gschänkt.[2]
Dr Historiker A. K. Narain (1983) het festgstellt, ass dr Wüsseschaft nüt bekannt isch über d Religioon vom Sri Gupta. Er dänkt, ass dr Śri Gupta möögligerwiis sälber e Buddhist gsi isch oder a Mitgliid vo dr Hinduistische Sekte vom Vaiṣṇavism wo gegen e Buddhismus tolerant gsi isch.[2] Mä wäiss, dass die möiste vo de spöötere Gupta Monarche Vaiṣṇavite gsi si und Religione wie dr Buddhismus und dr Jainismus toleriert wenn nid understützt häi.[3]
Fuessnoote
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
