Sicherheitsrat der Vereinten Nationen
From Wikipedia, the free encyclopedia
From Wikipedia, the free encyclopedia
Dr Sicherheitsroot vo de Vereinte Natione (ängl. Abchürzig UNSC, United Nations Security Council), hüfig au as Wältsicherheitsroot bezeichnet, isch s mächtigste Organ vo de Vereinte Natione. Er setzt sich us fümf ständige (Permanent Members, au P5 gnennt) und zäh nitständige Mitgliider (Elected Members) beziehigswiis Staate zsämme. Die fümf ständige Mitgliider (Frankriich, Russland, die Vereinigte Staate, d Volksrepublik China und s Vereinigte Königriich) hai bi dr Verabschiidig vo Resolution (Resolutions) en erwiiterets Vetorächt und wärden dorum au as Vetomächt bezeichnet.
Sicherheitsroot vo de Vereinte Natione UNSC | |
---|---|
![]() Dr Saal vom UN-Sicherheitsroot | |
Änglische Name | United Nations Security Council (UNSC) |
Status | aktiv |
Sitz vo de Organ | New York |
Mitglidstaate | 15 (5 ständigi +10 nitständigi Mitgliider):
|
Gründig | 17. Januar 1946 im Londoner Church House |
Oberorganisation | Vereinti Natione |
www.un.org/sc |
Die konstituierendi Sitzig vom Sicherheitsroot het am 17. Januar 1946 stattgfunde; die und die 23 Sitzige druf si im Londoner Church House abghalte worde, spöteri Sitzige hai im Hunter College in dr Bronx, im Henry Hudson Hotel an dr Fifth Avenue in Manhattan und in dr Sperry Gyroscope-Fabrik z Lake Success stattgfunde, bevor dr Root 1951 si derzitigs Domizil, s UN-Hauptquartier, am East River in Manhattan bezoge het.
Noch em Ardikel 24 I vo dr Charta vo de Vereinte Natione sötte ihm d Mitgliidstaate „d Hauptverantwortig für d Wahrig vom Wältfriide und vo dr internationale Sicherheit“ überdräge. Währed anderi UN-Organ unmittelbar nume Empfählige chönne abgee, cha dr Sicherheitsroot noch de Bestimmige vom Kapitel VII vo dr Charta Entscheidige mit Bindigswirkig für d Mitgliidstaate dräffe - „Massnahme bi Bedrohig oder Bruch vom Friide und bi Aagriffshandlige“. Drbii bestoht e grundsätzligi Rächtsbindig an d Norme vo dr UN-Charta. Näbe dr politische Prärogative vom Sicherheitsroot zur Uslegig vo de datbestandlige Vorussetzige vom Art. 39 in concreto cha si Praxis zur Furtbildig vo bestehendem Rächt füehre. Noch dr herrschende Meinig darf sich dr Sicherheitsroot drbii aber nit in e dezidierte Widerspruch zu de anerkannte Rächtsquelle vom Völkerrächt setze (Uslegig contra legem), wil er kei eigeni Rächtssetzigsbefuegnis het. D Entscheidige vom Sicherheitsroot underliige allerdings keinere wirksame Rächtskontrolle.
![]() |
Dä Artikel basiert uff ere fräie Übersetzig vu dere Version vum Artikel „Sicherheitsrat_der_Vereinten_Nationen“ vu de dütsche Wikipedia. E Liste vu de Autore un Versione isch do z finde. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.