UN-Resolutione si Beschlüss vo de Vereinte Natione, wo s Resultat von ere Ussprooch vo bestimmte UN-Hauptorgan schriftlig festlege. Si enthalte Bewärtige und Fordrige, wo sich uf Interpretatione beziehigswiis dr Wortlut vo dr UN-Charta beziehn.
Je noch em Entscheidigsgremium unterscheide sich s Procedere und dr juristisch Wärt von ere Resolution.
Resolutione vom UN-Sicherheitsroot
Resolutione com UN-Sicherheitsroot si völkerrächtlig bindend. In ihne wird meistens an d Erreichig und Erhaltig vom Wältfriide appelliert, e Ziil wo in dr UN-Charta festgleit isch. Si wärde gege Staate oder Komfliktbarteie usgsproche, wo d Handlige von ene e Gfährdig vo dr internationale Sicherheit oder e Verletzig vom Völkerrächt, beziehigswiis vo de Menscherächt si. In de Resolutione het s meistens eidütigi Fordrige, wo, wenn si nid erfüllt wärde, repressive Massnahme (UN-Embargo, UN-Sanktion o. ä.) noch sich ziehn oder mit Waffegwalt duuregsetzt wärde. Drbii wärde d Mitgliidstaate vo de Vereinte Natione ufgrüft, mit z hälfe.
Die fümf ständige Mitgliider vom Sicherheitsroot, China, Frankriich, Russland, s Vereinigte Königriich und die Vereinigte Staate, müessen em Entwurf zuestimme oder sich enthalte, für dass er zun ere Resolution wird. Im Ganze müesse nüün vo de 15 Mitgliider vom Sicherheitsroot zuestimme. D Resolution sälber chann dur s Veto vo eim vo de ständige Mitgliider blockiert wärden, d. h. wenn ein vo dene Staate drgege stimmt gältet das automatisch as Veto. Noch em Ardikel 27 vo dr UN-Charta cha e Resolution aber denn verabschiidet wärde, wenn eine vo de fümf Veto-Staate sich duet enthälte. S usdrücklige Veto isch in de vergangene Johrzähnt hüfig brucht worde. Während em Chalte Chrieg het d Sowjetunion ihr Veto öfters zu Gunste vo Entwickligsländer iigleit. D USA hingege hai Israel immer wider mit ihrem Veto gschützt. Hüfig entscheidet e chliini Änderig im Wortlut über dr gültig Beschluss von ere Resolution.
Resolutione vo dr UN-Generalversammlig beziehigswiis vom UN-Wirtschafts- und Sozialroot
Resolutione vo dr UN-Generalversammlig und vom UN-Wirtschafts- und Sozialroot si nid verbindlig. Si si nume en Empfählig. E Bischbil is d Resolution 3379.
- Gsamtliste vo de Resolutione vo dr UN
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
