From Wikipedia, the free encyclopedia
Saint-Christophe (frankoprov. Sen-Cretoublo) isch e Gmai in dr autonome Provinz Augschtdal z Italie.
Saint-Christophe (Aostatal) | ||
---|---|---|
![]() | ||
![]() Lag vu dr Gmai Saint-Christophe im Augschtdal | ||
Staat: | Italie | |
Region: | Aostatal | |
Koordinate: | 45° 45′ N, 7° 21′ O | |
Hechi: | 619 m s.l.m. | |
Yywohner: | 3484 (31. Dez. 2022)[1] | |
ISTAT-Nummer: | 007058 | |
Saint-Christophe ghert zue dr Gmainschaft Unité de communes Mont-Emilius.
Saint-Christophe lyt im Augschtdal uf dr linke Syte vu dr Dora Baltea.
Zue dr Gmai ghere d Wyyler Angelin, Bagnère, Bret, Chabloz, Champapon, Champ-d’Hône, Château d’Entrèves, Chaussod, Chef-Lieu, Clappey, Cognon, Condemine, Cort, Coutateppaz, La Crétaz, La Croix-Noire, Fontanalle, Gérardin, Gevé, Grand-Chemin, Grande-Charrière, Léméryaz, Loups, Maillod, Méladière, Meysettaz, Nicolin, Olleyes, Pallein, Parléaz, Pin, Prévot, Rouye, Senin, Sorreley, Thuvex, Veynes. Nochbergmaine sin Aosta, Pollein, Quart, Roisan un Valpelline
Dr Grinder vum Huus Savoyen, dr Humbert I mit dr wysse Händ, het anne 1025 s Augschtdal as Leeche griegt. Mid Uusnahme vun e baar Johr (1691, 1704–1706, 1798–1814 zue Frankrych) het s Augschtdal derno zem Huus Savoyen gheert bis anne 1946, d. h. bis dr letscht italienisch Chenig abdankt ghaa het. Wu s italienisch Chenigrych anne 1861 grindet woren isch, isch s Augschtdal zue dr Provinz Turin chuu. Anne 1927 isch s derno ne aigestädnigi Provinz wore. Im Faschismus isch di franzesisch Sproch verbote wore un s het e starki Italienisierigsbolitik gee. Vu 1939 bis 1945 het Saint-Christophe dr italienisiert Name San Cristoforo drait. Noch em Zweede Wältchrieg het s Augschtdal anne 1948 e autonome Sonderstatus griegt.
Johr | 1861 | 1871 | 1881 | 1901 | 1911 | 1921 | 1931 |
Yywohner | 1177 | 1089 | 1193 | 1200 | 1094 | 1165 | 1377 |
Johr | 1936 | 1951 | 1961 | 1971 | 1981 | 1991 | 2001 |
Yywohner | 1539 | 1514 | 1608 | 1705 | 2340 | 2598 | 2982 |
Dr Burgermaischter vu Saint-Christophe isch dr Paolo Cheney.
Dr frankoprovenzalisch Dialäkt vu Saint-Christophe ghert zum Valdostanisch (Valdôtèn).
Anne 2001 het d Fondation Émile Chanoux in Zämmenarbet mit em Centre d'Études Linguistiques pour l'Europe un dr Università degli Studi di Trento di soziolinguistisch Situation vu allne Gmaine im Augschtdal untersuecht. Doderzue isch im Septämber un Oktober 2002 e Froogebooge verschickt woore. Vu Saint-Christophe sin 100 Froogebeege wider retuurchuu[2].
Froog 0301: Was isch Ihri Muetersprooch? | ||||||
Italienisch | Patois | Italienisch un Patois | Piemontesisch | anderi | kai Andwoord | Total |
66 (66 %) | 17 (17 %) | 2 (2 %) | 4 (4 %) | 3 (3 %) | 8 (8 %) | 100 |
Froog 1403a: Wie guet verstehn si Frankoprovenzalisch (Patois)? | |||||
guet | mittelguet | e weng | gar nit | kai Andwoord | Total |
46 (46 %) | 16 (16 %) | 6 (6 %) | 32 (32 %) | 0 (0 %) | 100 |
Froog 1403b: Wie guet chenne si Frankoprovenzalisch (Patois) schwätze? | |||||
guet | mittelguet | e weng | gar nit | kai Andwoord | Total |
34 (34 %) | 13 (13 %) | 9 (9 %) | 40 (40 %) | 4 (4 %) | 100 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.