Villeneuve (Aostatal)

Villeneuve (Aostatal)
	Villeneuve (Aostatal) (Italien) Villeneuve (Aostatal)
	;
	; Lag vu dr Gmai Villeneuve im AugschtdalLag vu dr Gmai Villeneuve im Augschtdal
Staat:	Italie
Region:	Aostatal
Koordinate:	45° 42′ N, 7° 12′ O
Hechi:	760 m s.l.m.
Yywohner:	1278 (31. Dez. 2022)
ISTAT-Nummer:	007074

Villeneuve (frankoprov. Veullanoua) isch e Gmai in dr autonome Provinz Augschtdal z Italie.

Quick Facts

Close

Villeneuve ghert zue dr Gmainschaft Unité de communes Grand-Paradis.

Villeneuve lyt im Augschtdal uf dr rächte Syte vu dr Dora Baltea.

Zue dr Gmai ghere d Wyyler Balmet, Bertolaz, Bruillen, Champagne, Champagnole, Champleval, Champlong-Dessus, Champlong-Martignon, Champlong-Rosaire, Champlong-Vaillon, Champrotard, Chavonne, La Cloutraz, La Côte, La Crête, Croix-Blanche, Cumiod, Montovert, Peranche, Saburey, Saint-Roch, Trépont, Véreytaz. Nochbergmaine sin Arvier, Aymavilles, Introd, Saint-Nicolas, Saint-Pierre un Valsavarenche

Dr Grinder vum Huus Savoyen, dr Humbert I mit dr wysse Händ, het anne 1025 s Augschtdal as Leeche griegt. Mid Uusnahme vun e baar Johr (1691, 1704–1706, 1798–1814 zue Frankrych) het s Augschtdal derno zem Huus Savoyen gheert bis anne 1946, d. h. bis dr letscht italienisch Chenig abdankt ghaa het. Wu s italienisch Chenigrych anne 1861 grindet woren isch, isch s Augschtdal zue dr Provinz Turin chuu. Anne 1927 isch s derno ne aigestädnigi Provinz wore. Im Faschismus isch di franzesisch Sproch verbote wore un s het e starki Italienisierigsbolitik gee. Vu 1939 bis 1945 het Villeneuve dr italienisiert Name Villanova Baltea drait. Noch em Zweede Wältchrieg het s Augschtdal anne 1948 e autonome Sonderstatus griegt.

Johr	1861	1871	1881	1901	1911	1921	1931
Yywohner	956	951	908	770	687	788	928
Johr	1936	1951	1961	1971	1981	1991	2001
Yywohner	954	1035	1017	925	962	1017	1082

Dr Burgermaischter vu Villeneuve isch dr Roberta Quattrocchio.

Dr frankoprovenzalisch Dialäkt vu Villeneuve ghert zum Valdostanisch (Valdôtèn).

Anne 2001 het d Fondation Émile Chanoux in Zämmenarbet mit em Centre d'Études Linguistiques pour l'Europe un dr Università degli Studi di Trento di soziolinguistisch Situation vu allne Gmaine im Augschtdal untersuecht. Doderzue isch im Septämber un Oktober 2002 e Froogebooge verschickt woore. Vu Villeneuve sin 83 Froogebeege wider retuurchuu^[2].

Froog 0301: Was isch Ihri Muetersprooch?
Italienisch	Patois	Franzeesisch	anderi	kai Andwoord	Total
45 (54,2 %)	19 (22,9 %)	4 (4,8 %)	3 (3,6 %)	12 (14,5 %)	83

Froog 1403a: Wie guet verstehn si Frankoprovenzalisch (Patois)?
guet	mittelguet	e weng	gar nit	kai Andwoord	Total
56 (67,5 %)	13 (15,7 %)	3 (3,6 %)	11 (13,3 %)	0 (0 %)	83
Froog 1403b: Wie guet chenne si Frankoprovenzalisch (Patois) schwätze?
guet	mittelguet	e weng	gar nit	kai Andwoord	Total
42 (50,6 %)	13 (15,7 %)	9 (10,8 %)	16 (19,3 %)	3 (3,6 %)	83