Queen (Àlbum vu dr Nicki Minaj)
From Wikipedia, the free encyclopedia
Queen ( [kʰw̥iːn](info), „Keenigin“ uff Àmerikàànisch Anglisch) ìsch s’ viarta Schtüdioàlbum vu dr Rapperin Nicki Minaj. ’S ìsch àm 10. Àuigscht 2018 vu Young Money Entertainment, Cash Money Records un Republic Records veräffentligt worra. ’S ìsch ìn dr Minaj ìhr äärscht Àlbum gsìì zitter „The Pinkprint“ (2014). S’ Àlbum ìsch zamma mìt’ra Hàndvoll Produzänta àm Andshjoohr 2016 ààg’fànga un ìsch ìm Àuigscht 2018 fartig gsìì. Zem Àlbum hann àui d’ Rapper Eminem, Foxy Brown, Future, Swae Lee un Lil Wayne so wia d’ Sanger Ariana Grande, Labrinth un The Weeknd mìtg’màcht.[1]
Veröffentligt | 10. Àuigscht 2018 |
---|---|
Ufnaam | 2017/18 |
Label | Young Money/Cash Money Records |
Format | CD, Kassette, Download, Schallplatte, LP |
Genre | Hip-Hop |
Zahl vo de Titel | 19
(Deluxe Edition 20) |
Laufzit | 77:59 |
Bsetzig |
Nicki Minaj, Eminem, Lil Wayne, Swae Lee, Future, Foxy Brown, The Weeknd, Ariana Grande |
Produktion | Tha President Carter (exec.) Birdman (exec.) Slim tha Don (exec.) Nicki Minaj (also co-exec.) Beats Bailey Ben Billions Big Juice Blank Boi-1da Chris Braide Cirkut Cubeatz DJ Wes Eminem Frank Dukes Illmind Invincible J Beatzz JFK J Gramm JMIKE J. Reid June Nawakii Kane Beatz Labrinth Lowkey Mel and Mus Messy Metro Boomin Mike Will Made It Murda Beatz Pluss Rex Kudo Ringo Sevn Thomas Sool Supa Dups Zaytoven |
Studio | Glenwood Place Studios (Burbank, Kàlifornia)
Criteria Studios (Miami, Florida) Effigy Studios (Detroit, Michigan) Jungle City Studios (Näi York) Studio La Grande Armée (Pàriis, Frànkrììch) Kingdom Recording (Beverly Hills, Kàlifornia) SremmLife Studios (Los Angeles, Kàlifornia) Germano Studios (Näi York) Premier Studios (Näi York) |
The Pinkprint | Queen | Pink Friday 2 |
---|
12. Àwrìl 2018 | Chun-Li |
14. Jüüni 2018 | Bed (feat. Ariana Grande) |
22. Jüüli 2018 | FEFE (feat. 6ix9ine) |
14. Àuigscht 2018 | Barbie Dreams |
29. Nowamber 2018 | Good Form Remix (feat. Lil Wayne) |
Dialäkt: Mìlhüüserdiitsch |
S’ Veräffentligtungdààtum vum Àlbum ìsch zwaimol verschììwa worra, vor äbb’s schliasslig a Wucha friahjer àls geplàànt veräffentligt worra-n-ìsch. Uff’m Àlbum „Queen“ sìnn viar Sìnggels z’ loosa: „Chun-Li“, „Bed“ zamma mìt dr Ariana Grande, „Barbie Dreams“ un a Remix vu „Good Form“ zamma mìt’m Lil Wayne. „FEFE“ ìsch ìn da Streaming-Üssgààwa vum Àlbum ìn dr Wucha nooh dr Veräffentligung züag’fiagt worra; „Chun-Li“ wia àui „FEFE“ sìnn ìn dr Top-10 vum US Billboard Hot 100 ànakumma. Fìrs Àlbum witter b’waarwa hàt d’ Minaj ìhr aiga Live-Ràdioprogràmm Queen Radio grìnda, wo uff Beats 1 üssg’schtrààhlt worra-n-ìsch. Sa ìsch àui mehrmols ìm Farnsah ufftratta, hàt Live-Ufftrìtta gaa un hàt schliasslig ìm Hornung 2019 d’ „The Nicki Wrld Tour“ zamma mìt’m Juice Wrld ààg’fànga.[1]
Bii siinera Veräffentligung hàt „Queen“ vor àllem positiiwa Kritika bikumma — d’ Müüsikkritiker hann d’ Produkzioon vum Àlbum g’loobt, hann’s àwwer züa làng un ohna genàuija Rìchtung g’funda. Ìn dr äärschta Wucha noh dr Veräffentligung ìsch s’ Àlbum schuu-n-uff Plàtz 2 sowoohl ìn dr US Billboard 200 wia àui ìn da Hip-Hop-Àlba-Charts vu Billboard àànakumma, mìt schuu mehr àss 185.000 Àlbum-Ekwiwàlant-Ainhaita (d’runter 78.000 füsikààlischa Àlbumverkaif). ’S ìsch uff Plàtz 5 ìn Iirlànd, Plàtz 5 ìn da UK-Àlbum-Charts (Plàtz 1 ìn da UK-R&B-Àlbum-Charts), Plàtz 4 ìn Àuischtrààlia un Plàtz 2 ìn Kànàdà. S’ Àlbum ìsch àui ìm Top 10 àndra Lander, wia Frànkrììch, da Nììderlander, Näiseelànd, Norweege un dr Schwiiz gsìì, un ìsch eewafàlls ìm Top 20 ìn Eeschtriich, Belgia (Wàlloonia), Däänamàrk, Eschtlànd, Fìnnlànd, Diitschlànd, Itààlia, Schpàània un Schweeda ànakumma. Ìm Janner 2019 ìsch s’ Àlbum ìn Àmerikà vu dr RIAA mìt Plàtiin üsszaichent worra.[1]