From Wikipedia, the free encyclopedia
E Muusigbroduzänt isch in dr Muusigindustrii e Persoon, sich um d Läitig und Usfüerig von ere Muusigbrodukzioon kümmeret. D Ufgoobe vom ene Muusigbroduzänt si nid festgschriibe, aber mäistens ghöört drzue, ass er d Ufnaam im Doonstudio koordiniert, d Muusiker angaschiert und für d Vermarktig verantwortlig isch.
Muusigbroduzänte git s mäistens nume in dr Popmuusig, dr Country-muusig, im Hip-Hop, em Dschääs und in dr elektroonische Muusig. In dr klassische Muusig het dr künstlerisch Ufnaamläiter, wo mäistens e Doonmäister isch, dr gröösser Iifluss uf s künstlerische Resultaat. D Aarbet vom Muusigbroduzänt bi dr Gstaltig vom Sound cha mä öbbe vergliiche mit däm, was dr Reschissöör vom ene Kiinofilm macht. Wil iiri Ufgoobe künstlerisch und technisch si, chömme Muusigbroduzänte nit sälte us em Beriich vo de Doonstudio, si also Studiobsitzer oder Doonääscheniöör oder aber Komponiste oder Texter, wo sälber wäi ufbasse, wie iir Wärk im Studio realisiert wird.
Au wenn in dr Popmuusig d Muusigbroduzänte wie au d Komponiste und d Studiomuusiker eender im Hindergrund schaffe und em Muusikpublikum umbekannt bliibe, si e baar Broduzänte us deere Anonümidäät uusechoo. Erfolgriichi und uszäichneti Muusigbroduzänte häi en äänlige Status wie d Interpreete sälber.[1] In de USA schaffe dr Nile Rodgers, will.i.am, Bill Putnam, Sam Phillips, Quincy Jones, Rick Rubin, David Foster, Jimmy Iovine, Phil Ramone (Pop), Rudy Van Gelder (Dschääs) oder dr Chet Atkins (Country). Bekannt in Groossbritannie di dr George Martin, Alan Parsons, Trevor Horn, Mike Batt, Norrie Paramor, Joe Meek, Mickie Most und dr Stock Aitken Waterman. Dr Ralph Siegel, Hans Bertram, Nils Nobach, Heinz Gietz, Conny Plank, Dieter Dierks, Frank Farian, Reinhold Mack, The Cratez, Dieter Bohlen oder Beatzarre si oder si bedütendi dütschi Muusigbroduzänte gsi. Bsunderigs im Dschääs git s bis hüte Persöönlikäite wie dr Alfred Lion und dr Manfred Eicher, wo sich us äigener Überzüügig um Muusiker kümmere und uf iire äigene Blatteleibel vermarkte. In Ängland muess vor allem dr Hugh Padgham erwäänt wärde, für si Aarbet mit em Phil Collins, mit Genesis, The Police und Mike and the Mechanics.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.