Jazz

Jazz (IPA: [ʤæz]) isch ä Musikrichtig, wo ungfähr um 1900 i dä Südstaate vo dä USA entstanden und ursprünglich überwiegend vo Afroamerikaner praktiziert und i vilfältiger Wiis wiiterentwicklet worde isch - hüüfig im Crossover mit andere Musiktraditione und Genres. Mittlerwiile werded au Musikforme zum Jazz zellt, wo oft nur wenig bis chuum me mit de afroamerikanische Tradition verbunde sind.

Dä Artikel behandelt die Musikrichtung; zu weiteren Bedeutungen siehe Jazz (Begriffsklärung).

Louis Armstrong – einä vo de bedütendschtä Musiker im Jazz mit grossem Iifluss uf di wiiteri Entwicklig vom Jazz

Dä Jazz wird im Hiiblick uf sini künstlerischi Bedüütig hüfig als amerikanischs Pendant zur „klassischä“ europäische Musik verstandä. Dä Jazz het für fast alli andere Sparte vo de Musik, vom Pop bis Folk, noii Möglichkeite ufdoo.

Kennzeiche vom Jazz

Dä Jazz baut uf emene überwiegend europäische Tonsystem uuf und verwendet europäischi Melodik und Harmonik, musikalischi Forme (zum Biispil Songform), sowie europäischi Instrument (Blasinstrument, Klavier, Gitarrä, Kontrabass, grossi und chliini Trommle, Becki). Die europäischi Musikkultur wird im Jazz uf ä ganz eigeni Art und Wiis gnutzt. Zentral isch ä bsunderi Rhythmik, wo sich uf s Bewegigsgfühl beziet, (Swing, Groove), intensivi, spontani Interaktione (u. a. Call and Response) un ä Tonbildig, wo am vokalä Uusdruck orientiert isch. Die Element, bsunders t Rhythmik, lönd sich zurggfüere druf, wie in afrikanische Musikkulture d Musik empfunde wird.^[1]

Au di noiiere Strömige vom Jazz wiised einzelni musikalischi und ästhetischi Charakteristika uf, wo mä an ene merkt, dass si zum Jazz ghöre.^[2] Zu dänä Kennzeiche ghöred näbäd de Blue Notes, wo vor allem i früenere Epoche dr Stil brägt händ:

• Improvisation,
• Jazz-Rhythmik mit (wenigstens tendenziell) polyrhythmischem Charakter, wie zum Biispil en Offbeat
• E spezielli Art vo Tonbildig (zum Biispil Schleiftön und Multiphonics) und Instrumentbehandlig,
• stilistischi Individualität vo einzelne Musiker und
• ä Traditionsbezug uf früehneri Stiil i de Jazzgschicht.