From Wikipedia, the free encyclopedia
Oberchöuch (amtl. Oberkirch LU) isch en politischi Gmeind im Wahlchreis Sorsi vom Kanton Lozärn i de Schwiz.
S LU im Lemma isch s offiziell Chürzel vom Kanton Lozärn und wird bruucht, zum Verwächslige mit Yträäg vom Name Oberchöuch vermyde, wo öppis anders meined. |
Oberkirch/Oberchöuch | |
---|---|
![]() | |
Basisdate | |
Staat: | Schwiiz |
Kanton: | Lozärn (LU) |
Wahlchreis: | Sorsi |
BFS-Nr.: | 1095 |
Poschtleitzahl: | 6208 |
UN/LOCODE: | CH OBK |
Koordinate: | 651355 / 223076 |
Höchi: | 512 m ü. M. |
Flächi: | 10,95 km² |
Iiwohner: | 5068 (31. Dezämber 2022)[1] |
Website: | www.oberkirch.ch |
Charte | |
![]() |
Oberchöuch lid am Nordwest Ändi vom Sempachersee a de Sohre ond es esch im Norde med de Stadt Soorsi zämmegwachse. Näbst de Hauptsedlig geds au no d Ortsteili Seehüsere (im Norde; 506 m ü. M.) ond Chotte (westlech vo Surssi). Beidi send med Soorsi verwachse. De Weiler Ranzige/Sennhof (667 m ü. M.) ond de Ortsteil St. Margrethe (523 m ü. M.) ghöred au zo Oberchöuch. De zwöit gröschti Ortsteil es de Unteri Leidebärg (541 m ü. M.). Vo dr Gmeindsflechi send 74,2 % Landwirtschaftlechi Flechi, 13,4 % Waud, 12,1 % Sidligsflechi ond 0,3 % süschtigi Flechi.[2] D Nochbergmeinde vo Oberchöuch send Soorsii (Norde), Eich ond Schänke (Oste), Nottu ond Buddishouz (Süde), und Grosswange (Weste).
Oberchöuch esch zom erschte Mau gnamsed worde im Jahr 1036 aus ecclesia superior (1217 Oberenkilchun).
Quälle: Bundesamt für Statistik 2005[3]
Johr | 1850 | 1860 | 1870 | 1880 | 1888 | 1900 | 1910 | 1920 |
Iiwohner | 1141 | 1070 | 1038 | 974 | 957 | 935 | 933 | 1025 |
Johr | 1930 | 1941 | 1950 | 1960 | 1970 | 1980 | 1990 | 2000 |
Iiwohner | 1000 | 1016 | 1166 | 1332 | 1612 | 1866 | 2311 | 2661 |
Am Endi vom 19. Johrhundert is d Bevölkerig stark zrog gänge wäge de Industralisierig. Am Afang vom letzte Johrhundert hed den Bevölkerig weder zugno, uf gut 1000 Iwohner. Die Zahl hed sech bes Mitti Johrhundert ned gross erhöt. Ab 1941 es den en rechtig Wachstum entstande bes 2007 is d Iwohnerzahl um 230 % gstege.
Bi dr Volkszellig 2000 hend vo dr 2661 Iiwohner 92,7 % Dütsch aus Houptsprach aagää, 0,5 % Französisch, 1,1 % Italienisch ond 5,7 % anderi Sprache.[2]
Z Oberchöuch redt me s hochalemannisch Lozärntütsch.
82,1 % vo dr Iiwooner send im Jahr 2000 römisch-katholisch gsii, 8,4 % evangelisch-reformiert.[2]
Em 2007 hed Oberchöuch en Usländeateil vo 11,47 % gha. Die meiste vo Ehne chömmed us Serbien-Montenegro, Italie, Portugal, Dütschland und Kroatie.
Bi dr Nationauraatswahle 2015 hät s das Ergebnis gää:[2] BDP 1,1% , CVP 23,8% , FDP 23,7% , GLP 5,8% , GP 8,0% , SP 9,5% , SVP 21,5% , Süschtigi 6,6%.
Dr Gmeindspräsident vo Oberchöuch esch dr Ernst Roth (Stand Februar 2016).
D Arbetslosigkeit esch im Jahr 2011 bi 1,6 % gläge.[2]
Oberchöuch lid a de Bahnlinie Olten-Luzern und hed en eigene Bahnhof, dä werd aber nomme dor d S-Bahn betribe. De nöchst grösseri Bahnhof es Sorsi. Usserdem hed Oberkerch au en Busaschloss vom Dorf via Sorsi a Bahnhof. De Autobahnaaschluss Sorsi vo de A2 befendet sech nomme 3 km vom Dorfchärn vo Oberchöuch entfärnt. D Hauptstrasse nach Luzärn-Zofige und Lozärn-Sorsi gönd dorch Oberchöuch.
Au de N6 (Nachtbus) haltet en Oberchöuch.
Im Restorant Hirsche z Oberchöuch schaffed drü Brüeder uf ganz spezielli Art zäme. Da hät d Silvia Häselbarth bewoge de Dokumentarfilm Drei Brüder à la carte z draie.
Sit 2005 bsetzt Oberchöuch au en Golfplatz med ere 6-, ond 18 Loch-Alag.
De Schwizer Baumeisterverband hed sit 1972 es grosses Usböldigszentrom z'Oberchöuch.
Oberkirch gestern, heute, morgen, Bossard Carl (1986)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.