From Wikipedia, the free encyclopedia
Eich esch en politischi Gmeind im Wahlkreis Sorsi vom Kanton Lozärn i de Schwiz.
Eich | |
---|---|
![]() | |
Basisdate | |
Staat: | Schwiiz |
Kanton: | Lozärn (LU) |
Wahlchreis: | Sorsi |
BFS-Nr.: | 1084 |
Poschtleitzahl: | 6205 |
Koordinate: | 655300 / 222463 |
Höchi: | 516 m ü. M. |
Flächi: | 5,89 km² |
Iiwohner: | 1623 (31. Dezämber 2022)[1] |
Website: | www.eich.ch |
Charte | |
![]() |
Eich lit am Oschtufer vom Sämpachersee zwösche Sorsi ond Sämpech. Sit em Bou vom der Outobahntunnu "Eich" eschs Dorf teilt i Underdorf am See ond s Oberdorf bi dr Chöuche. Eich het fougendi Wiler: Oberhundgäue, Brand, Buechmatt, Voremwaud, ond Vogusang, wo ou grad es eigets Quartier am Hang obe esch. Vo dr Gmeindsflechi send 67,9 % Landwirtschaftlechi Flechi, 19,5 % Waud ond 12,6 % Sidligsflechi.[2]
Quälle: Bundesamt für Statistik 2005[3] Ändi 2005 het Eich 1'495 Iwohner gha. Sit 1970 het sech d Bevölkerig fascht verdrüfacht. D Grönd ligged im Bou vo de Outobahn A2 ond dä schöne ländläche Lag.
Jahr | 1850 | 1860 | 1870 | 1880 | 1888 | 1900 | 1910 | 1920 |
Iiwohner | 551 | 522 | 535 | 522 | 469 | 434 | 473 | 472 |
Jahr | 1930 | 1941 | 1950 | 1960 | 1970 | 1980 | 1990 | 2000 |
Iiwohner | 507 | 521 | 521 | 457 | 521 | 754 | 972 | 1256 |
Dr Uusländeraateil esch 2014 bi 6 % gläge.[2]
75,2 % vo dr Iiwooner send im Jahr 2000 römisch-katholisch gsii, 15,2 % evangelisch-reformiert.[2]
D Gmeind esch döre Aschloss ad Poschtoutolinie Sorsi-Schänke-Eich-Sämpech Station as Netz vom öffentläche Vercher agschlosse.
S Dorf Eich lit a dr Houptstross Sorsi-Sämpech. Der nöchscht glägenig Outobahnaschloss ad A2 esch 3 km entfärnt ds Sämpech.
D Gegend am Sämpachersee esch scho sit Jahrtusende besidlet gsi. Es git Fund os römischer ond alemännischer Zit. Dr Ort werd z'erscht mou underem Name Heiche ime Schutzbrief vom dütsche König Heinrich III. 1045 erwähnt aus Bsitz vom Chorherrestift Möischter. Onder de Herrschaft vo de Habsburger esch Eich nominell vo Sämpech verwautet worde. Eich esch 1415 onder ds Herrschaft vor Stadt Lozärn cho und Teil vom Michelsamt worde.
Bi dr Nationauraatswahle 2015 hät s das Ergebnis gää:[2] BDP 1,6% , CVP 24,6% , FDP 23,0% , GLP 4,4% , GP 4,3% , SP 5,5% , SVP 32,3% , Süschtigi 4,1%.
Dr Gmeindspräsident vo Eich esch dr Reto Zbinden (Stand Februar 2016).
D Arbetslosigkeit esch im Jahr 2011 bi 1,1 % gläge.[2]
Bi dr Volkszellig 2000 hend vo dr 1256 Iiwohner 97,7 % Dütsch aus Houptsprach aagää, 0,5 % Französisch, 0,2 % Italienisch ond 1,6 % anderi Sprache.[2]
Dr hochalemannisch Dialäkt vo Eich ghört zue dr Übergangsmundarte zwösche dr Weschtschwiizer ond dr Oschtschwiizer Dialäkt.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.