Dr Mord vo Grifesee
From Wikipedia, the free encyclopedia
As Mord vo Griiffesee – au as «Bluetnacht» oder «Bluetdaat vo Griiffesee» bekannt – isch dr Massemord vo Innerschwizer Gwalthufe an dr Besatzig vo dr Zürcher Festig Griiffesee während em Alte Züürichrieg in d Gschicht iigange.
Belagerung und Zerstörung von Greifensee | |||||||||
---|---|---|---|---|---|---|---|---|---|
Deil vo: Alti Züürichrieg | |||||||||
Belagerig - Hiirichdig - Gedänkkapälle. Us dr «Zürcher Chronik» 1485/86 vom Gerold Edlibach | |||||||||
| |||||||||
Konfliktparteie | |||||||||
Züüri Habsburg |
Alti Äidgenosseschaft: | ||||||||
Befählshaber | |||||||||
Wildhans vo Bräitilandebärg | Ital Reding dr Elteri | ||||||||
Truppesterki | |||||||||
öbbe 70 | |||||||||
Verlust | |||||||||
ca. 62–68 |
Schlachte im Alte Züürichrieg |
---|
Schlacht am Etzel · Schlacht bi Freiebach · Schlacht am Hirzel · Schlacht bi St. Jakob an dr Sihl · Mord vo Grifesee · Schlacht bi St. Jakob an dr Birs · Schlacht an dr Wolfhalde · Schlacht bi Ragaz |
Am 27. Mai 1444, noch ere Belaagerig vo 4 Wuche, häi no 62 Verdäidiger gläbt. Die mäiste von ene si Buure gsi und dr Wildhans vo Bräitilandebärg het s kommandiert. Noch iirer Kapitulation isch die ganzi Besatzig usser zwäi, äi Zitzüüge säit zää, Maa am 28. Mai 1444 ooni Erbarme vo de siigriiche Innerschwizer uf dr «Bluetmatte» z Nänike mit em Schwärt köpft worde. Vermuetlig isch das dr grösst Däil vo dr Bevölkerig vom Amt Griiffesee im «Mannesalter» gsi und deren ihri Familie si em ene ungwüsse Schicksal überloo worde.
Dr Schwyzer Chronist und Augezüüuge Hans Fründ het drüüber gschriibe, ass es s Erbärmliggste gsi sig, wo mä je gsee haig, und ass die Hiigrichdete zum ene guete Däil nuume armi Buure gsi sige, wo am Chrieg käi Schuld gha häige.