Matière de Bretagne
From Wikipedia, the free encyclopedia
Matière de Bretagne, au änglisch Matter of Britain oder Arthurian romance, isch e Bezäichnig für die middelalterlige Saagestoff, wo sich uf die keltische Gschicht vo Britannie und dr Bretagne düen bezie. Noch dr änglische Bezäichnig Arthurian legend („Artuslegände“) si d Legände um en Artus dr Hauptbestanddäil vo däm Saagesüsteem.[1] Es git aber no mee historischi Legände vo de Britische Insle, wo au zu dere Thematik ghööre, wie die bom Brutus vo Britannie, Coel, Köönig Lear und Gogmagog. Die Saage si im Middelalter kodifiziert worde; e Bischbil für daas isch d Historia regum Britanniae vom walisische Kleriker Geoffrey vo Monmouth.