Artus
e literarischi Figur us em Middelalter / From Wikipedia, the free encyclopedia
Dr Köönig Artus (walisisch Arthur ['arθir]) isch e Saagegstalt, wo in vile literarische Wärk vom öiropäische Middelalter in alle mööglige Zämmehäng und Bedütige ufdaucht.
![Thumb image](http://upload.wikimedia.org/wikipedia/commons/3/3b/Artus2.jpg)
Si Herrschaftsgebiet isch nöime in Britannie gsi. Sit em spoote 9. Joorhundert häi britischi Chronike vom Artus verzellt, er häig e füerendi Rolle in de Kämpf gege d Angle, Jüte und Saggse (Angelsaggse) um 500 n. Chr. gspiilt.
Sit em 12. Joorhundert isch die Gschicht in dr hööfische Litratuur usgschmückt und in iiri klassischi Form brocht worde. Öb dr Artus e reals historischs Vorbild gha het, wäiss mä nid und d Gschichtswüsseschaftler bezwiifle das eender.