franzesische Comiczaichner From Wikipedia, the free encyclopedia
Dr Georges Wolinski (* 28. Juni 1934 z Tunis[1]; † 7. Jänner 2015 z Paris) isch e franzesische Comiczaichner gsii.
Dr Wolinski isch dr Suhn vun eme polnische Jud[2] un ere italienische Katholiki gsii. Anne 1946 isch er mit syne Eltere uf Frankrých chuu. No dr Schuel het er zerscht z Paris Architektur studiert, het s Studium aber abbroche. Derfir het er anne 1960 aagfange Comicstrip fir d Satrizytschrift Hara-Kiri z zaichne. Ab 1968 het er au fir s Satiremagazin L’Enragé gschafft un ab 1970 fir Actuel. Ab 1971 isch er Schefredakteur vum Magazin Charlie Mensuel gsii, derzue het er ab 1977 regelmäßig Cartoon fir d Dageszytig L’Humanité zaichnet. Au in dr Zytschrifte France Soir un Charlie Hebdo, em Noofolger vu Hara-Kiri, het er Cartoon publiziert.
Sy bekanntescht Wärch isch d Serie Paulette, wun er ab 1971 as Autor zämme mit em Zaichner Georges Pichard entwicklet het.
Dr Wolinski isch am 7. Jänner 2015 bim Terroraaschlag uf d Redaktion vu Charlie Hebdo z Paris ermordet wore.[3] Bim glyche Aaschlag sin au dr Charb, dr Cabu, dr Tignous, dr Honoré, dr Bernard Maris, d Elsa Cayat un fimf wyteri Mänsche, dodrunder zwee Bolizischte, um s Läbe chuu.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
