From Wikipedia, the free encyclopedia
D Elsa Cayat (* 9. März 1960; † 7. Januar 2015 z Paris) isch e franzesischi Psychiateri, Psychoanalytikeri un Kolumnischti gsii.
D Elsa Cayat het e aigeni psychologisch-psychiatrischi Praxis ghaa. Dernäbe het het si au as Autori un Kolumnischit gschafft. In dr franzesische Satirezytschrift Charlie Hebdo het si all zwoo Wuche d Kolumne „Charlie Divan“ (noch em Scheslon vum Psycholog) gschribe, wu si aktuälli Probläm vu dr Erziehig, vum Gschlächterverhältnis un dr franzesische Gsellschaft bhandlet het.
Am 7. Jänner 2015 isch d Cayat zämme mit em Charb, em Cabu, em Tignous, em Georges Wolinski, em Honoré, em Bernard Maris un fimf wytere Mänsche, drunder zwee Bolizischte, bim Terroraaschlag uf s Redaktionsbiro vum franzesische Satiremagazin Charlie Hebdo ermordet wore.[1]
D Elsa Cayat isch ghyrote gsii un het e Dochter ghaa.