d Ängi
From Wikipedia, the free encyclopedia
D Ängi isch es Quartier vo de Stadt Züri. Zäme mit Wolishofen und em Läibach ghöörts zum Chräis 2. Vor der Ygmäindig 1893 isch si en äigeni politischi Gmäind gsy.
Dialäkt: Züritüütsch |
Ängi | ||
---|---|---|
| ||
Höchi | 409 m | |
Flechi | 2,40 km² | |
Iiwohner | 9489 (31. Dez. 2017) | |
Bevölkerigsdichti | 9489 / 2.40 Iiwohner/km² | |
BFS-Nr. | 261-024 | |
Postleitzahl | 8002 | |
Stadtchrais | Chrais 2 seit 1893/1913 |
Vo de früenerige Ströisidlig mërkt mer nüüt me – hüt isch d Ängi im Nordtäil fascht e räins Gschäftsviertel und im Süüdtäil e beliebts Woonviertel. Vom Willequartier, wo d Ängi im 19. Jarhundert gsy isch, züüged alewyl na mängs prächtig Huus und der äint oder ander wytlöiffig Park, und d Chilen Ängi, wo über alem troonet, isch s Sinnbild für di rych Gmäind im Fin-de-Siècle. Vil Lüüt gchäned d Ängi vo de Beder, Pärk und em Hafe, wo am Zürisee ligged, oder vom Thërmaalbaad hine gäge d Syl; anderi wider gchäned si vom Museeum Rietbëërg, em äinzige Schwyzer Museeum für usseröiropëëischi Kunscht.