From Wikipedia, the free encyclopedia
Der Berninapass isch der höchscht Ort vom Bärgwäg, wo im Bündnerland usem Engadin is Puschlav goot.
Berninapass | |||
---|---|---|---|
![]() Ospizio Bernina und Lagh da la Cruseta | |||
Himmelsrichtig | Nord | Süd | |
Passhöchi | 2'235 m ü. M. [1] | ||
Kanton | Bündnerland | ||
Wasserscheide | Berninabach → Inn → Donau | Acqua da Pila → Poschiavino → Adda → Po | |
Daalort | Samedan | Poschiavo | |
Usbau | Strass und Bahn | ||
Baut | 1842–1865 | ||
Sperri | ganzjährig offe | ||
Profil | |||
Ø-Stiigig | 3,0 % (600 m / 20 km) | 7,5 % (1278 m / 17 km) | |
Max. Stiigig | 10 % | ||
![]() | |||
Karte | |||
| |||
Koordinate | 797691 / 143665 |
D Landschaft vo der Bernina isch es wyts Gebiet zwüsche de Bärgmassiv vom Piz Bernina und em Piz Palü uf der Weschtsyte und em Piz Paradisin im Oschte. Die modärni Passhöchi lyt bim Hügelzug vom Piz Lagalp zum Piz Campasc.
Der Berninawäg het zwe alti Rute, wo sid Joorhunderte as Saumpfad bruucht worde sin. Die einti, wo weniger höch isch, chunt vo der Lagalb südlech vo Pontresina em Ufer vom Lago Bianco noo, uf öppe 2240 Meter, und goot bi dr Alp Grüm verby stotzig id Alp Palü abe und vo dört uf Pedemonte, wo z oberscht im Talbode vo Poschiavo isch. “Pedemonte” heisst uf Dütsch «dr Fuess vom Bärg», gmeint isch do drmit natürli s undere Ändi vo der Bärgstrooss.
Der ander alt Wäg, wo sid 1865 deils der modärne Bärgstrooss entspricht, goot im Nordoschte vom Lago Bianco zum Crusetasee ufe, wo d Passhöchi isch; die lyt uf 2328 Meter über Meer und im Gmeindbann vo Poschiavo. Vo dört ziet sech dr Wäg dur die wyti Alpelandschaft vom Val Laguné hii und chunt bi Splüga und Pisciadel id Schlucht vo Turiglia und denn dure Wald uf Pedecosta, wo nooch bi Pedemonte lyt.
Dr Berninapass lyt uf der Wasserscheidi zwüschem Yzugsgebiet vom Inn und do drmit vo dr Donau und dämm vom Fluss Poschiavino, wo zu dr Flusslandachaft vom Po ghört. A der Bernina isch au e Sproochgränze: im Norde redet me Rätoromanisch, im Süde Iteliänisch.
Sid anne 1910 goot übere Pass d Berninabahn. Der Bahnhof Ospizio Bernina lyt uf 2253 Meter über Meer.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.