![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/dc/Ambraserheldenbuch.jpg/640px-Ambraserheldenbuch.jpg&w=640&q=50)
S Ambraser Heldebuech
e Sammlig vo middelalterlige Heldenepos / From Wikipedia, the free encyclopedia
S Ambraser Heldebuech isch e handschriftligi Sammlig vo middelalterlige Heldenepos und chliinere höfische Gschichte us em 12. und 13. Joorhundert; es umfasst u. a. s Nibelungelied, s Kudrunlied, im Hartmann vo Aue si Erec, Biterolf und Dietleib und s Chlagebüechli und Meier Helmbrecht. E hufe Wärk in dr Sammlig si sust niene anders überliiferet – und vo do chunnt die riisigi Bedütig vom Kodex für d Gschicht vo dr dütsche Litratuur.
![Thumb image](http://upload.wikimedia.org/wikipedia/commons/thumb/d/dc/Ambraserheldenbuch.jpg/640px-Ambraserheldenbuch.jpg)
Dr Kodex isch im Riiseformat vo 46 x 33,5 cm und umfasst 243 Pergamäntbletter. Jeedes Blatt het drei Spakte und an de Ränder het s blüemledi Dekorazioone. D Sammlig isch im Ufdraag vom Kaiser Maximilian I. 1504–1516/17 vom Zollschriiber Hans Ried z Booze im Südtirol gsammlet und kalligraafisch ufgschriibe worde.[1] Zerst isch dr Brachtkodex uf Schloss Ambras im Tirol ufbewaart worde; sit 1806 befindet sich d Handschrift in dr Ööstriichische Nazionalbibliodek z Wien (Signatur Cod. Ser. nova 2663).[2][3]