Woolooware

Woolooware is 'n woonbuurt in die suidelike deel van Sydney in die deelstaat Nieu-Suid-Wallis, Australië. Woolooware is sowat 24 km suid van Sydney se sentrale sakekern in die Sutherland Shire geleë. Die woonbuurt het dieselfde poskode as Cronulla (2230).

Woolooware
Voorstad
Wills Road, Woolooware
Woolooware Ligging van Woolooware in Nieu-Suid-Wallis
Koördinate: 34°02′52″S 151°08′28″O
Land	Australië
Deelstaat	Nieu-Suid-Wallis
Stad	Sydney
Bevolking
• Totaal	4 210
Tydsone	UTC+10:00 (AEST)
Poskode	2230

Woolooware strek vanaf Woolooware Bay in die noorde tot by Burraneer Bay en Gunnamatta Bay in die suide langs die Porth Hacking mondingsmeer. Dit grens aan die woonbuurte Cronulla, Caringbah, Burraneer en Kurnell.

Geskiedenis

Woolooware is afgelei van 'n Australiese inboorlingwoord wooloowa wat 'n modderige pad beteken. Die woord sou baie beskrywend gewees het van die ou Woolooware-pad wat vanaf Port Hacking langs Burraneer Point tot by Kingsway geloop het. Die landmeter Robert Dixon het die naam aangepas toe hy die woonbuurt Woolooware in 1927 uitgelê het.

Die gebied was aanvanklik 'n digbeboste gebied gewees met moerasse wat met wortelbome (mangrove) begroei was rondom Woolooware Bay. Hierdie moerasse is later herwin om die parke en sportgronde te vestig insluitend Endeavour Field, die Woolooware- en Cronulla-gholfbane. Die gebied is onderverdeel nadat die spoorlyn vanaf Sutherland na Cronulla in 1939 geopen is. Die eerste publieke skool is in 1951 geopen en die poskantoor is in Oktober van 1954 geopen.^[1]

Sakegebied

Daar is 'n klein groepie winkels in wat plaaslik as Woolooware North bekend staan lang Wills Road naby die Woolooware treinstasie. Die winkels sluit 'n algemene handelaar, 'n drankwinkel, haarkappers, 'n geskenkwinkel, 'n kafee, 'n dokter se spreekkamer en 'n Chinese restourant in. 'n Ander groepie winkels in wat as Woolooware South bekend staan is by die kruising van Burraneer Bay Road en Gannons Road geleë. Hierdie winkels sluit 'n vis- en skyfiewinkel, 'n restourant, 'n apteek, 'n bakkery en 'n algemene handelaar in. 'n Vulstasie is ook daar geleë.

• 
  Wills Road se winkels
• 
  Burraneer Bay Road winkels
• 
  Die Woolooware treinstasie
• 
  Woolooware se Laerskool

Vervoer

Woolooware treinstasie is op die Cronulla-tak van City Rail se Illawarra-spoorlyn geleë. Die stasie het 'n speelpark vir kinders ook. Alle treindienste daarheen bestaan uit dubbeldekker treine met tussen vier en ses waens afhangende van hoe laat dit is. Buslink verskaf ook busdienste vanaf Cronulla tot by die groot winkelsentrum in Miranda wat deur Woolooware loop. Die hoofpaaie in Woolooware is Gannons Road wat na die suide loop vanaf Kingsway, Kingsway wat in 'n oos-wes rigting suid van die spoorlyn loop, Endeavour Drive in die noorde wat Woolooware met Kurnell en Miranda verbind en Burraneer Bay Road wat toegang na die gelyknamige baai verleen.

Skole

Woolooware is die tuiste van 'n aantal laer- en hoërskole. Woolooware Public School is in Wills Road. Burraneer Bay Public School is 'n laerskool aan die suidelike grens van die woonbuurt by Gannons Road naby die klein sakesentrum. Die hoërskole wat hier geleë is, is Woolooware High School, De La Salle College en Our Lady of Mercy College.

Sport en ontspanning

Woolooware is die tuiste van die Australiese National Rugby League- span, die Cronulla Sharks. Hul tuisveld, Toyota Park (voorheen bekend as Endeavour Field), is langs die span se klub geleë in Captain Cook Drive.

• 
  Toyota Park - Endeavour Field
• 
  Sharkies Leagues Club
• 
  Sharkies Leagues Club

Verwysings

1. The Book of Sydney Suburbs, Saamgestel deur Frances Pollen, Angus & Robertson Publishers, 1990, Gepubliseer in Australië ISBN 0-207-14495-8

Eksterne skakels

• Wikimedia Commons het meer media in die kategorie Woolooware.