Suid-Georgië en die Suidelike Sandwicheilande

Suid-Georgië en die Suidelike Sandwicheilande (Engels: South Georgia and the South Sandwich Islands, Spaans: Islas Georgias del Sur y Sandwich del Sur) is 'n argipel in die suidelike Atlantiese Oseaan. Dit is 'n afgeleë en onherbergsame versameling van eilande, bestaande uit Suid-Georgië en 'n ketting van kleiner eilande bekend as die Suid-Sandwich-eilande. Die eilande het 'n bevolking van twee mense in die hoofstad Grytviken,^[1] maar soms word die nabygeleë King Edward Point as hoofstad beskou, omdat dit 'n permanente bevolking het.

South Georgia and the South Sandwich Islands
Suid-Georgië en die Suidelike Sandwicheilande

Vlag Wapen
Nasionale leuse: Leo Terram Propriam Protegat (Latyns vir: "Laat [of mag] die Leeu sy eie land beskerm")
Volkslied: God Save the Queen
Hoofstad	Grytviken/King Edward Point 54°17′S 36°30′W
Grootste stad	Grytviken/King Edward Point
Amptelike tale	Engels (de facto)
Regering • Monarg • Goewerneur • Verantwoordelike Britse minister	Parlementêre demokrasie binne ’n grondwetlike monargie Elizabeth II Nigel Phillips Tariq Ahmad
Onafhanklikheid Britse oorsese gebied • Huidige grondwet	3 Oktober 1985
Oppervlakte  - Totaal    - Water (%)	3 903 km2   1 507 myl2 feitlik niks
Bevolking  - 2006-skatting  - Digtheid	30 (-) 0,005 / km2 0,013 / myl2
Geldeenheid	Pond sterling (GBP)
Tydsone  - Somertyd	GST (UTC-2) nie toegepas nie (UTC-2)
Internet-TLD	.gs
Skakelkode	+500

Suid-Georgië is 165 kilometer lank en 35 kilometer breed en is verreweg die grootste eiland in die gebied. Die Suid-Sandwich-eilande lê ongeveer 700 kilometer suidoos van Suid-Georgië. Die gebied se totale landoppervlakte is 3 903 vierkante km.

Kaart van Suid-Georgië en die Suidelike Sandwicheilande

Lande, wat Argentinië se eis steun van soewereiniteit oor die Falkland-eilande, Suid-Georgië en die Suidelike Sandwicheilande.

Lande, wat die Verenigde Koninkryk se eis steun van soewereiniteit oor die Falkland-eilande, Suid-Georgië en die Suidelike Sandwicheilande.

Suid-Georgië en die Suidelike Sandwicheilande lê suidoos van Suid-Amerika en word sedert 1925 deur Argentinië geëis. Argentinië het die eilande in 1982 beset, maar is deur die Verenigde Koninkryk in die Falklandoorlog verslaan. Die Falklandeilande is ongeveer 1 300 kilometer wes geleë van die gebied se naaste punt daaraan.^[2]

Die eilande is 'n oorsese gebied van die Verenigde Koninkryk en die Europese Unie^[3] met' n grondwet wat in 1985 aangeneem en in 2009 gewysig is om die reg van selfbeskikking van die bevolking te herhaal.^[4]

Verwysings

1. (en) CIA World Factbook 2010 Geargiveer 13 Augustus 2015 op Wayback Machine
2. (en) Duncan Anderson: The Falklands War 1982, (Essential Histories Band 15), Oxford 2002. ISBN 978-1-84176-422-1
3. (en) L.L. Ivanov et al. The Future of the Falkland Islands and Its People. Sofia: Manfred Wörner Foundation, 2003. 96 bl. ISBN 954-91503-1-3
4. (en) Chapter 1 of the Falkland Islands Constitution. 5th November 2008 (came into force on 1 January 2009). UK Office of Public Sector Information.

Bronnelys

Algemeen

• (en) "South Georgia". Encyclopædia Britannica. Besoek op 1 Junie 2020.
• (en) "South Sandwich Islands". Encyclopædia Britannica. Besoek op 1 Junie 2020.
• (en) "South Georgia and the South Sandwich Islands". Central Intelligence Agency. Geargiveer vanaf die oorspronklike op 13 Augustus 2015. Besoek op 1 Junie 2020.

Eksterne skakels

• Wikimedia Commons het meer media in die kategorie Suid-Georgië en die Suidelike Sandwicheilande.

	Verenigde Koninkryk
Lande Engeland • Skotland • Wallis • Noord-Ierland Oorsese gebiede Anguilla • Bermuda • Brits-Antarktiese Gebied • Britse Indiese Oseaangebied • Britse Maagde-eilande • Falkland-eilande • Gibraltar • Kaaimanseilande • Montserrat • Pitcairneilande • Sint Helena, Ascension en Tristan da Cunha • Suid-Georgië en die Suidelike Sandwicheilande • Turks- en Caicoseilande Kroongebiede Eiland Man • Guernsey • Jersey Sowereine militêre basisse Akrotiri en Dhekelië