Smithfield

Smithfield is 'n dorp in die suide van die Vrystaat, in Suid-Afrika geleë op die Caledonrivier. Die dorp het 'n bevolking van 1 195 (volgens die 2011-sensus).^[2] Smithfield is 73 km suidoos van Reddersburg en die N6 nasionale pad gaan deur Smithfield.

Smithfield
Smithfield se stadsaal
Smithfield  Smithfield se ligging in Vrystaat
Koördinate: 30°12′45″S 26°31′53″O
Land	Suid-Afrika
Provinsie	Vrystaat
Distrik	Xhariep
Munisipaliteit	Mohokare
Stigting	1849[1]
Regering
Oppervlak [2]
• Totaal	34,11 km2 (13,17 vk. myl)
Bevolking  (2011)[2]
• Totaal	1 195
• Digtheid	35/km2 (90/vk. myl)
Rasverdeling (2011) [2]
• Wit mense	12.4%
• Indiërs/Asiërs	0.5%
• Bruin mense	1.8%
• Swart mense	85.1%
• Ander	0.3%
Taal (2011) [2]
• Sotho	61.6%
• Xhosa	19.1%
• Afrikaans	12.6%
• Engels	4.0%
• Ander	2.7%
Skakelkode	051

Die NG gemeente Smithfield se neo-Bisantynse kerkgebou.

Smithfield se polisiekantoor.

'n Oudhedewinkel en restaurant op die dorp.

Simboliese Ossewatrek-gedenkstapel in Smithfield, opgerig tydens die Simboliese Ossewatrek en onthul op 15 Oktober 1938.

Geskiedenis

Smithfield is die derde oudste dorp in die Vrystaat naas Philippolis en Winburg. Die dorp is in 1849 gestig deur sir Harry Smith wat die hoeksteen van die nuwe kerk gelê het op die plaas Waterval van SC Halse. Die plaas was 24 km suidwes van die huidige dorp en erwe is vanaf 1 Desember 1848 verkoop. Die erwe het egter nie verkoop nie omrede die mense geweet het dat water skaars in die omgewing was. Gedurende November van die volgende jaar is erwe op die plaas Rietpoort verkoop. Smithfield het eers in 1948 'n munisipaliteit geword, alhoewel die eerste dorpsraad al in 1860 gestig is.

Distrik

Die distrik is 2 828 km² groot. Daar word oorwegend met beeste en skape geboer.

Vroeë gevegte

Daar het baie gevegte in die Smithfielddistrik plaasgevind tydens die Basoeto-oorloë. In 1855 het Moshoeshoe en sir George Grey vredesonderhandelinge gevoer in die dorp. Die vrede was egter van korte duur; oorloë het in 1858, 1865 en 1867 gevolg.

Sien ook

• NG gemeente Smithfield
• Lys van dorpe in Suid-Afrika

Bronne

1. "Chronological order of town establishment in South Africa based on Floyd (1960:20-26)" (PDF) (in Engels). pp. xlv–lii. Geargiveer (PDF) vanaf die oorspronklike op 13 Julie 2019. Besoek op 13 September 2016.
2. "Hoofplek Smithfield". Sensus 2011.

• B.P.J. Erasmus: Op Pad in Suid-Afrika. ISBN 1-86842-026-4
• Eric Rosenthal: Ensiklopedie van Suidelike Afrika. 1967.