Sam de Beer

Samuel Johannes de Beer, gebore op 19 Augustus 1944 in Johannesburg, is 'n Suid-Afrikaanse politikus, agtereenvolgens lid van die Nasionale Party (tot 1998), van die United Democratic Movement (1998-2001) en daarna van die African National Congress (sedert 2001). Sam de Beer was die Minister van Behuising (1989-1991) en daarna Minister van Onderwys en Opleiding (1991-1993) in die kabinet van F.W. de Klerk.

Sam de Beer
Minister van Onderwys en Opleiding
Ampstermyn 1991 – 1994
President	F.W. de Klerk
Minister van Behuising
Ampstermyn 1989 – 1991
President	F.W. de Klerk
Adjunkminister van Onderwys en Ekonomiese Ontwikkeling
Ampstermyn 1984 – 1989
President	P.W. Botha
Persoonlike besonderhede
Gebore	Samuel Johannes de Beer 14 Augustus 1944 (1944-08-14) (80 jaar oud) Johannesburg
Politieke party	Nasionale Party(tot 1998) United Democratic Movement (1998-2001) African National Congress (2001–)
Alma mater	Universiteit van Pretoria

Loopbaan

Met 'n BA in Teologie aan die Universiteit van Pretoria, was Sam de Beer 'n lid van die Afrikaanse Studentebond, 'n Afrikaner-studentevereniging, en het van 1965 tot 1967 op sy nasionale raad gedien.

Hy was voorsitter van die Kultuurraad van die stad Springs van 1972 tot 1974 en was 'n lidmaat van die NG Kerk, eers in Magaliesburg en toe van 1969 tot 1974 in Springs.

Hy was lid van die raad van die buitestedelike gebied van Magaliesburg (1971) en is in 1974 verkies tot die parlement vir die kiesafdeling Geduld.

Van 1982 tot 1984 was hy voorsitter van die Nasionale Party se afdelingsraad vir die Oos-Randstreek.

De Beer was Adjunkminister van Onderwys en Ekonomiese Ontwikkeling van 1984 tot 1989 in die kabinet van P.W. Botha, en het op verskillende parlementêre komitees gedien, soos dié oor die wet op gemengde huwelike of dié oor onsedelikheid.

Sam de Beer was die Minister van Behuising (1989-1991) in die kabinet van F.W. de Klerk, en later Minister van Onderwys en Opleiding (1991-1994), die ministerie in beheer van skoolonderrig vir die swart bevolking.

In die eerste veelrassige algemene verkiesing van 1994 word hy op die nasionale partylys verkies as lid van die Nasionale Vergadering van Suid-Afrika (1994 tot 1998). Hy word van 1997 tot 1998 die leier van die Nasionale Party in Gauteng.

In Augustus 1998 sluit hy aan by die United Democratic Movement en word verkies tot die Gautengse vergadering.

In 2001 het hy by die African National Congress aangesluit.

Eksterne skakels

• (en) Biografie van Sam de Beer

Hierdie artikel is in sy geheel of gedeeltelik vanuit die Franse Wikipedia vertaal.