From Wikipedia, the free encyclopedia
Paul Abraham Dukas (Frans: [dykas]; 1 Oktober 1865 – 17 Mei 1935) was 'n Franse komponis, kritikus en pedagoog. Hy was 'n leergierige persoon met 'n ingetoë geaardheid, en was baie selfkrities. Hy het baie van sy werke versaak en selfs vernietig.
Sy bekendste werk is die orkesstuk genaamd L'apprenti sorcier. Die werk se bekendheid het van sy ander werke ver oortref of oorskadu en bly dit steeds doen. Van sy ander werke is die opera Ariane et Barbe-bleue, 'n simfonie, twee substansiële werke vir soloklavier, en laastens 'n ballet, La Péri.
Op 'n tydstip toe Franse musikante verdeel was in konserwatiewe en progressiewe faksies, het Dukas nie aan een behoort nie. Hy het egter die bewondering van beide behou. Sy werke is beïnvloed deur komponiste soos Beethoven, Berlioz, Franck, d'Indy en Debussy.
Hy het gelyklopend met sy komposisieloopbaan as musiekkritikus gewerk, en het gereeld bydraes gelewer aan ten minste vyf Franse joernale. Hy is later in sy lewe aangestel as professor van komposisie by die Conservatoire de Paris en die École Normale de Musique en sy studente het Maurice Duruflé, Olivier Messiaen, Manuel Ponce en Joaquín Rodrigo ingesluit.
Dukas is gebore in Parys, die tweede seun in 'n Joodse familie van drie kinders.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
