Remove ads
Oos-Asië is 'n geografiese subgebied in die ooste van Asië wat op verskillende maniere gedefinieer kan word en wat met die verander het.[1] Dit wissel van 'n eng-definisie wat net die lande in Asië insluit wat deur die subtropiese monsoon en die historiese Chinese beskawing beïnvloed is[2] tot 'n baie breër polities-ekonomiese definisie. Oos-Asië en Oostelike Asië word soms as 'n alternatief vir die tradisionele term, die Verre-Ooste, gebruik.
| Oppervlak | 11 839 074 km² |
|---|---|
| Bevolking | 1 641 908 531 (2016) |
| Lande | 6 (5 erkende, 1 omstrede; 2 afhanklike gebiede) |
| Tale | Chinees, Japannees, Koreaans, Mongools, Tibettaans en baie ander |
| Tydsones | UTC+07:00 (Wes-Mongolië) tot UTC+09:00 (Japan en Korea) |
| Belangrike stede | Beijing Hongkong Osaka Seoel Sjanghai Taipei Tokio Hanoi Ulaanbaatar |
Oos-Asië
.svg)
Die volgende politieke entiteite word konsekwent as deel van Oos-Asië gesien:[3][2]
Volksrepubliek China (insluitend die Spesiale Administratiewe Gebiede 
Hongkong en 
Macau)
Republiek van China (Taiwan)
Japan
Noord-Korea
Suid-Korea
Verder word die volgende gebiede ook baie keer in die definisie ingesluit:[3]
Breër definisies sluit in Mianmar, Broenei, Kambodja, Oos-Timor, Indonesië, Laos, Maleisië, Filippyne, Singapoer, Thailand en Viëtnam.[4][5][6] Die East Asia Summit sluit die 10 lande van die ASEAN, plus China, Korea en Japan in.[7]
Selfs in die eng definisie van Oos-Asië dek die gebied ongeveer 12 000 000 km², of omtrent 28% van die Asiatiese vasteland en is dit omtrent 15% groter as Europa. Meer as 1,5 miljard mense, of omtrent 40% van die bevolking van Asië, of 'n kwart van al die mense in die wêreld leef in die geografiese Oos-Asië, wat omtrent twee keer Europa se bevolking is. Die gebied is een van die digsbevolkste gebiede ter wêreld; teen 130 per km², is dit ongeveer drie keer die wêreldgemiddelde.
Kultureel omvat dit die samelewings wat lank deel was van die Chinese kulturele sfeer:
- wat sterk invloede van die Klassieke Chinese taal, insluitend die tradisionele Chinese skrif vertoon.
- Konfusianisme en Neo-Konfusianisme,
- Mahayana-Boeddhisme/Zen-Chan-Boeddhisme en
- Taoïsme (Daoïsme).
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads