Die Old Bushmills Distillery is 'n whiskey-distilleerdery in Bushmills, graafskap Antrim, Noord-Ierland wat tans in besit is van die Mexikaanse onderneming Jose Cuervo, die wêreld se grootste tequila-vervaardiger in besit van die Beckmann-familie wat met sy verspreidingsmaatskappy Proximo Spirits ook 'n reeks premium-handelsmerke in die whisky- en rumbedryf beheer, nadat dit deur die Britse onderneming Diageo verkoop is.[2]
| The Old Bushmills Distillery | |
  | |
| Tipe | Privaat maatskappy met beperkte aanspreeklikheid[1] |
|---|---|
| Gestig | 1608/1784 |
| Hoofkantoor | Bushmills, Graafskap Antrim, Noord-Ierland, Verenigde Koninkryk |
| Gebied bedien | Wêreldwyd |
| Industrie | Alkoholiese dranke |
| Produkte | Ierse whiskey |
| Moedermaatskappy | Jose Cuervo |
| Webwerf | bushmills.com |
Whiskey, wat onder die Bushmills-handelsmerk gebottel word, word uitsluitlik in die plaaslike distilleerdery gestook, met water uit die Saint Columb's Rill, 'n takrivier van die River Bush. Die distilleerdery is 'n toeriste-aantreklikheid wat besigtig mag word, met jaarliks sowat 120 000 besoekers.
Die Old Bushmills Distillery maak daarop aanspraak dat dit die oudste Ierse whiskey-stokery is wat steeds in bedryf is. Die datum 1608, wat op etikette verskyn, verwys na 'n koninklike lisensie wat deur koning Jakobus I op 20 April van dié jaar aan die grondbesitter en goewerneur van die graafskap Antrim, Sir Thomas Phillips, toegeken is om whiskey in die gebied te stook.[3] Die onderneming, wat die huidige distilleerdery laat bou het, is in 1784 gevestig. Nadat dit verskeie kere sy deure moes sluit, is die distilleerdery ná 'n brand in 1885 ononderbroke in bedryf.
Verwysings
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
