tipe gedistilleerde alkoholiese drank gemaak van gefermenteerde graanpulp From Wikipedia, the free encyclopedia
Whisky (vanaf die Iers-Gaeliese woorde uisce beatha en ook vanaf die Skots-Gaeliese uisge baugh, wat albei water van die lewe beteken) is 'n alkoholiese drank wat gestook word van graanprodukte, veral mout. Die distillaat word dan verouder in houtbalies waarin dit sy kleur en karakter kry.[1] Hoe langer die veroudering duur, hoe hoër is die gehalte van die eindproduk. Premium-distillate verouder dikwels twaalf of meer jare lank.
.jpg)
Naas die verouderingsproses word whisky volgens sy geografiese oorsprong en stookmetode gekategoriseer. Die woord whisky word gebruik om te verwys na die drank van Skotse oorsprong of whisky wat in oorsese lande volgens die Skotse metode gestook is (onder meer in Kanada en Japan), terwyl die woord whiskey verwys na die drank as dit volgens die Ierse metode gestook is (naas Ierland self hoofsaaklik in die Verenigde State).
Ierse whiskey, wat van ongeturfde mout gestook en drie keer gedistilleer word, is in die algemeen sagter, met 'n vrugtige profiel. Twee keer gedistilleerde Skotse whisky kry sy karakter onder meer deur torfrook.
Whisky word skoon, met water, ys, of gemeng met ander sterk of sagte dranke gedrink (van laasgenoemde is Ierse koffie 'n voorbeeld).
Moutwhisky word in Ierland, Skotland, Kanada en die Verenigde State van suiwer gars gemaak. In laasgenoemde twee lande word dit ook van rog vervaardig; mielies word ook in die Verenigde State in die vervaardiging daarvan gebruik.
Die eerste aanduiding van gestookte whisky kom uit die 13de eeu in China. Dit skyn dat dit aanvanklik slegs gebruik is as medisyne, in die vorm van salf of stroop. Die eerste lisensie om dit te mag produseer, is in Engeland in 1608 deur koning Jakobus I toegestaan.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
