Naledi Uitgewers

Naledi Uitgewers is 'n literêre uitgewersmaatskappy wat in 2005 gestig is en gegroei het tot ‘n uitgewershuis wat reeds verskeie treffers agter sy naam het.^[1]

Volgens die uitgewer se webtuiste is hul grootste bate ‘n toegewyde voltydse span tesame met ‘n span uitgesoekte medewerkers wat die proses van onafhanklike boekmaak ‘n avontuur maak.^[1]

Van die titels wat al by Naledi verskyn het is: André Pretorius se Iets Ver en Nuut, die roman Nooit Meer Slaap Nie deur Willem Frederik Hermans (soos deur Wium van Zyl vertaal), en die digbundels Stof en Ster deur Pieter Fourie en Die jaar toe pa^[2] deur Hannes Visser.

Verwysings

1. https://naledi.online Geargiveer 3 Mei 2019 op Wayback Machine Besoek en opgespoor op 19/05/2019
2. Met gestroopte verse vertel die digter van die mense wat instaan en help om sin te gee aan wat om hom gebeur. Naledi se webblad vermeld dat deur hierdie gedigte ervaar die leser die absurditeit van die staatsstelsel in die 60’s asook die wyse waarop 'n kind sin maak van wat in die grootmenswêreld aangaan. Sewe van die gedigte is in 2018 in die bundel Nuwe Stemme 6 opgeneem en het positiewe reaksie ontlok.