From Wikipedia, the free encyclopedia
Haplorhini is die grootste van die twee subordes van die orde Primates. Tot hierdie suborde behoort die ape (waaronder die mensape en ook die mens) en die spookape. Dit word soms Haplorrhini gespel. Die ander suborde, Strepsirrhini, bevat die halfape.
Die lede van die suborde verskil in grootte, van die dwergspookaap (Tarsius pumilus) wat net 100 g weeg tot die berggorilla (Gorilla beringei beringei) wat meer as 200 kg kan weeg. Die spesies verskil in verskeie opsigte van die halfape. Die brein is in verhouding groter en sig is die belangrikste sintuig. Die oë is daarom na vore gerig.
Die meeste spesies is herbivore en lewe van blare en vrugte. ’n Paar spesies vul hul dieet aan met dierekos soos insekte en akkedisse. Ander spesies (soos die mens en sjimpansee) is omnivore en eet ook groter dierlike voedsel. Die spookape is die enigste groep in die orde wat net dierevoedsel eet, soos insekte, paddas en akkedisse.
Buiten die spook- en nagape is alle spesies bedags aktief. Die meeste woon in woude, maar hulle kan in alle habitats aangetref word. Uitgesonderd die mens, kom die suborde oorspronklik in Latyns-Amerika, Afrika en Suid-Asië tot by Japan, die Filippyne en Sulawesi voor. Buiten die mens kom geen spesies op Madagaskar voor nie, waar halfape hul plek ingeneem het.
Wikimedia Commons het meer media in die kategorie Haplorhini.
Hierdie artikel is vertaal uit die Nederlandse WikipediaSeamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
