From Wikipedia, the free encyclopedia
'n Omnivoor (uit Latyn: omne wat die hele ding of alles – in die meervoudsvorm – beteken; en vorare wat om te sluk, of te verorber beteken) of allesvreter, is 'n dier wat sowel plantmateriaal as vleis vreet. Omnivore vertoon nie die gespesialiseerde gedrag van die karnivore of die herbivore nie; hulle soek wyd en syd na voedsel en is dus minder kwesbaar vir veranderinge in hul ekologiese stelsel. Die spysverteringstelsel van hierdie diere toon dieselfde veelsydigheid: nes herbivore, is hulle in staat om plantkomponente te verteer, maar is terselfdertyd geredelik daartoe in staat om proteïen en die ander voedselkomponente van vleis te verwerk en te absorbeer.[1]
Harsinggrootte korreleer met die kwaliteit (voedingswaarde en hoeveelheid kalorieë) van die kos wat ingeneem word. Omnivore het volgens dié definisie 'n hoë kwaliteit dieet. Oor die algemeen is die groep omnivore intelligent. Voorbeelde hiervan is die merkwaardige intelligensie wat in die voedselvergaringsgedrag van die beer en die kraai vertoon word. Die geskiedenis van menslike ontwikkeling toon dat die aanvulling van die dieet met vleis die ontwikkeling van aansienlik groter breine verwesentlik het. 'n Groter brein vereis die verbruik van groot hoeveelhede energie en voedingstowwe.[2]
Daarteenoor bestaan egter 'n ander wetenskaplike argument wat, veral in die werk van die antropoloog Richard Wrangham en kollegas van die Harvard-universiteit, teoretiseer dat dit die inname en kook van wortelagtige groente was wat die ontwikkeling van groter breine tot gevolg gehad het, benewens die ontwikkeling van kleiner tande, die hedendaagse proporsies van die ledemate en selfs die band tussen man en vrou.[3]
 |
Sien omnivoor in Wiktionary, die vrye woordeboek. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
