Gendarmerie

'n Gendarmerie (verbastering van die Franse gens d' armes, krygsvolk, letterlik mense met wapens^[1]) is 'n gewapende diens wat algemene polisietake uitvoer en (van oorsprong) 'n onderdeel van die weermag is. Hierdie polisiesoldate is oorspronklik verspreid oor die platteland in kasernes gehuisves. Voor telefoon- en radioverbindings kon sulke eenhede (veral snags) vinnig en in groot getalle gemobiliseer word. Dit is veral effektief teen die bestryding van misdaadbendes aangewend.

██ Europese lande met 'n gendarmerie ██ Europese lande sonder 'n gendarmerie

Voorbeelde

'n Lid van die Turkse gendarmerie op wagdiens.

• België: Rijkswacht/Gendarmerie (opgehef na eenwording van die polisiedienste in 2001)
• Frankryk: Gendarmerie Nationale
• Italië: Carabinieri
• Spanje: Guardia Civil
• Portugal: Guarda Nacional Republicana
• Nederland: Koninklijke Marechaussee
• Roemenië: Gendarmerie Romania

Bovermelde lande (met uitsondering van België) maak deel uit van 'n gesamentlike Europese Gendarmerie (Eurogendfor).

• Oostenryk: Bundesgendarmerie (opgehef in 2005)
• San Marino: Gendarmeria
• Turkye: Jandarma

Verwysings

1. M. Philippa, F. Debrabandere, A. Quak, Etymologisch Woordenboek van het Nederlands Geargiveer 6 Maart 2016 op Wayback Machine, Amsterdam University Press, aanlyn weergawe van 17 November 2005.

Eksterne skakels

• Wikimedia Commons het meer media in die kategorie Gendarmerie.