From Wikipedia, the free encyclopedia
Gamma Arae (γ Arae, afgekort as Gamma Ara of γ Ara) is ’n ster in die suidelike sterrebeeld Altaar (Ara). Met ’n gemiddelde skynbare magnitude van 3,3[3] is dit die vierde helderste ster in die sterrebeeld en is dit maklik met die blote oog sigbaar. Dit is sowat 1 110 ligjare van die Son af.
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Gamma Arae
| ||||
 | ||||
| Die ligging van Gamma Arae (in die rooi sirkel). | ||||
| Sterrebeeld | Altaar | |||
| Bayer-naam | γ Arae | |||
| Spektraaltipe | B1 Ib[1] | |||
| Soort | Dubbelster | |||
| Waarnemingsdata (Epog J2000) | ||||
| Regte klimming | 17h 25m 23.65931s[2] | |||
| Deklinasie | -56° 22′ 39.8148″[2] | |||
| Skynmagnitude (m) | 3,34[3] | |||
| Absolute magnitude (M) | -5,8[4] | |||
| B-V-kleurindeks | -0,13[3] | |||
| U-B-kleurindeks | -0,96[3] | |||
| Besonderhede | ||||
| Massa (M☉) | 12,5[5]–25[4] | |||
| Radius (R☉) | 23[6] | |||
| Ligsterkte (L☉) | 120 000[4] | |||
| Ouderdom (jaar) | 15,7 miljoen[5] | |||
| Temperatuur (K) | 21 500[7] | |||
| Ander name | ||||
| ||||
Dit is ’n enorme ster met ’n radius van 23 keer dié van die Son.[6] Dit straal 120 000 keer soveel energie as die Son uit,[4] met ’n oppervlaktemperatuur van 21 500 K.[7] Dié hitte gee Gamma Arae die kenmerkende blouwit skynsel van ’n B-tipe ster. Dit het ’n sterreklassifikasie van B1 Ib[1] – die helderheidsklas "Ib" dui aan dit is ’n superreus met ’n laer ligsterkte.[8] Gamma Arae is redelik jonk, met ’n geraamde ouderdom van sowat 15,7 miljoen jaar.[5]
Die ster roteer vinnig, teen ’n snelheid van 269 km s-1, wat beteken dit voltooi ’n volle rotasie elke 4,8 dae.[9] Dit veroorsaak absorpsielyne in sy spektrum wat saamvloei vanweë die Doppler-effek, wat hulle moeilik maak om te ontleed.[4] Dit is ’n periodies veranderlike ster wat nieradiale pulsasies ondergaan met ’n primêre periode van 1,1811 dae en ’n sekondêre periode van 0,1281 dae.[7]
Sterrekundiges stem nie heeltemal saam oor die massa van die ster nie. Tetzlaff et al. (2011) raam dit op 12,5 ± 0,6[5] sonmassas, terwyl Fraser et al. (2010) meen dit is sowat 19 sonmassas[7] en Lefever et al. (2007) dit aangee as 25.[4] Die ster verloor massa weens ’n sterwind teen ’n tempo van 3 × 10-8 sonmassas per jaar – dit is gelyk aan die verlies van ’n massa van die Son elke 33 miljoen jaar.[7] Die wind word beïnvloed deur die ster se vinnige rotasie, wat ’n toename in verlies met die ewenaar langs tot gevolg het.[6]
Gamma Arae het ’n optiese metgesel-ster, ’n A-tipe hoofreeksster met ’n skynbare magnitude van 10,5, teen ’n hoekafstand van 17,9 boogsekondes.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
