Emily Pieterse

Emily Pieterse (1917 - 2004) was 'n bekroonde Afrikaanse skrywer. Sy het op die ouderdom van 33 begin skryf en het talle jeugverhale, soos die gewilde Ouplaasreeks, en meer as 15 romans die lig laat sien. Pieterse is in 2004, op die ouderdom van 87 aan natuurlike oorsake oorlede. Ten tye van haar dood was sy besig om haar 50ste boek te skryf, die eerste wat sy op 'n rekenaar instede van 'n tikmasjien ingesleutel het.^[1]

Haar seun, Pieter Pieterse, wat twee en 'n half jaar voor haar dood vermoor is, was ook 'n bekroonde skrywer in eie reg.

Bibliografie

Enkele van Pieterse se boeke:

Jeugverhale

• Pronkhings van Leliedal - 'n Jeugverhaal vol aksie en spanning met 102 bladsye. Eerste druk 1979. ISBN 0799304050.
• Die Goue Pou, 2de druk, 1986
• Die Spookjagters
• Die Geheim van die leë Huis
• Die onvoltooide Skets
• Verskrikking op Ouplaas
• Speurders van Ouplaas
• Geheim van die Kleipot
• Ouplasers in die Onheilswoud
• Die Gemantelde Gedaante
• Gevangenes op Ouplaas

Ander

• Onrus op Rushof, 'n spanningsroman. ISBN 086812155X.
• Jy is die erfgenaam
• Avonture in die Amasone
• Die spookboot van Omdraai Verby
• Swerwer in die stofpad
• Herfsblare in die wind

• Bewakers van die heilige kom
• As die skansmure verbrokkel

Verwysings

1. Emily Pieterse (87) oorlede, Die Burger, 27 September 2004.