Dong-Suk Kang (gebore op 28 April 1954) is 'n Suid-Koreaanse violis.
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Dong-Suk Kang | |
|---|---|
| Gebore | 28 April 1954 |
| Nasionaliteit | Suid-Koreaans |
| Beroep | Violis |
| Sjabloon:Infobox Korean name | |
Kang was in Seoul gebore en het sy eerste konsert op die leeftyd van agt jaar gespeel. Hy het in 1967 na New York gegaan om by die Juilliardskool van Musiek te studeer en het sy opleiding onder Ivan Galamian by die Curtis Institute of Music voltooi. In 1971 het hy die San Francisco Simfoniese Stigting Kompetisie gewen asook die Merriweather Post-kompetisie in Washington D.C.[1]
Hy het reeds saam met verskeie luisterryke orkeste op verskeie kontinente gespeel soos die o.a. Philadelphia Simfonieorkes, die Cleveland Simfonieorkes en die Montreal Simfonieorkes in die Amerikas; die Koninklike Filharmoniese Orkes, die Londen Filharmoniese Orkes, die Koninklike Skotse Nasionale Orkes en die Leipzig Gewandhaus Orkes in Europa; die Tokio Metropolitaanse Simfonieorkes en die Hong Kong Filharmoniese Orkes in Asië, en laastens die orkeste van die Australiese Uitsaaikorporasie in Australië. Kang het saam met dirigente soos Charles Dutoit, Kurt Masur, Yehudi Menuhin, Seiji Ozawa en vele meer gewerk. Hy verkies om "kamermusiek te speel wat kleiner in skaal, maar warmer in atmosfeer as grandiose orkesmusiek, is".[2] Sy wye repertorium sluit al die standaard werke sowel as baie ongewone, ongebruiklike en verwaarloosde stukke in. Sy opnames sluit veel geprese en bekroonde uitvoerings van die Elgar, Walton, Nielsen en die Sibelius vioolconcertos in, en die volledige kamermusiek van Honegger en Alkan.
In sy boek "The Book of the Violin" beskryf die musiekkritikus Dominic Gill vir Dong-Suk Kang as "reeds een van die wêreld se grootste violiste. Sy foutlose tegniek en perfekte stryk-arm produseer sekerlik een van die pragtigste viooltone wat vandag gehoor kan word".[3]Kang is getroud, en die vader van twee kinders. Hy het sedert 2003 by Yonsei Universiteit klas gegee, en hou sedert die jaar 2000 die "Konsert van Hoop" om hepatitis te beveg.[2]
- Koreaanse Dong-A Musiek-kompetisie, 1966
- San Francisco Simfoniese Stigting-kompetisie, 1971
- Merriweather Post-kompetisie, 1971
- Montreal Internasionale Musiek-kompetisie, tweede prys, 1975[4]
- Koningin Elisabeth Musiek-kompetisie, derde plek, 1976
- Grand Prix du Disque, Académie Charles Cros
- Grand Prix Nouvelle Académie du Disque
- CD van die maand, Gramophone tydskrif 2000 (vir die Walton vioolconcerto)
- Beethoven, Trippelconcerto vir Viool, Tjello en Klavier [Naxos, 8.554288, vrygestel in 1998]
- Debussy, Sonate vir Viool en Klavier in G mineur [Naxos, 8.550276, vrygestel in 1990]
- Elgar, Concerto vir Viool in B mineur [Naxos, 8.550489, vrygestel in 1991]
- Fauré, Sonates vir Viool en Klavier Nos. 1 en 2 [Naxos, 8.550906, vrygestel in 1995]
- Grieg, die drie Sonates vir Viool en Klavier [BIS, CD-647, vrygestel in 1994]
- Halvorsen, Air Norvegienne, Op. 7 [Naxos, 8.550329, vrygestel in 1990]
- Nielsen, Concerto vir Viool [BIS, CD-370, vrygestel in 1987]
- Saint-Saëns, Concerto vir Viool No.3, Inleiding en Rondo Capriccioso (Saint-Saëns), Sonate vir Viool en Klavier No. 1 [Naxos, 8.550752, vrygestel in 1994]
- Sibelius, Concerto vir Viool, Humoresques vir Viool en Orkes [Naxos, 8.550329, vrygestel in 1990]
- William Walton, Concerto vir Viool in B mineur [Naxos, 8.554325, vrygestel in 1999]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
