Dekabriste-eiland
From Wikipedia, the free encyclopedia
Dekabriste-eiland (Russies: остров Декабристов, ostrof Dekabristof) is ’n eiland in Sint Petersburg, Rusland, wat noord van Wasiljefski-eiland in die delta van die Newarivier lê. In die noorde word dit begrens deur die Klein-Newa en in die weste deur die Golf van Finland. Die eiland word van Wasiljefski-eiland geskei deur die Smolenka-rivier. Saam vorm hulle die Wasileostrofski-distrik, ’n administratiewe afdeling van Sint Petersburg.
| Dekabriste-eiland Inheemse naam: Остров Декабристов | |
|---|---|
 Die ligging van Dekabriste-eiland (no. 2 op die kaart) | |
| Geografie | |
| Ligging | Golf van Finland |
| Administrasie | |
 Rusland | |
| Stad | Sint Petersburg |
Die eiland, wat laag lê en dikwels oorvloei het, is nietemin as ’n begraafplaas gebruik. Die naam was eers Golodai-eiland (остров Голодай), maar is in die Sowjettyd verander na Dekabriste-eiland ter herdenking van vyf leiers van die Dekabriste-opstand in Desember 1825 teen Nikolaas I van Rusland. Hulle is in ongemerkte grafte op Golodai begrawe.
In 1911 het ’n Britse maatskappy ’n deel van 1 vierkante kilometer in die westelike deel van Golodai-eiland begin ontwikkel in ’n neoklassieke woonbuurt. ’n Klein deel van die projek is voltooi voor die Eerste Wêreldoorlog en die Russiese Rewolusie van 1917. Die oostelike en noordelike deel van die eiland is in ’n groot mate geïndustrialiseer; op die westelike deel is woonstelblokke uit die tyd van Leonid Brezjnef.
Dekabriste-eiland word met Wasiljefski-eiland verbind met vyf brûe en aan die vasteland met die Primorskaja-moltreinstasie.
Hierdie artikel is vertaal uit die Engelse Wikipedia
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
