Dromaeosauridae

Dromaeosauridae was ’n familie voëlagtige teropode-dinosourusse. Hulle was klein tot mediumgrootte geveerde karnivore wat floreer het tydens die Kryt-periode. Die naam beteken "hardlopende akkedisse", van die Griekse δρομευς dromeus ("hardloper") en σαυρος sauros ("akkedis"). Hulle word dikwels informeel raptors genoem^[1] (na aanleiding van Velociraptor), ’n term wat gewild gemaak is in die rolprent Jurassic Park; ’n paar soorte het "raptor" in hul naam en dit beklemtoon hul sogenaamde voëlagtige gewoontes.

Dromaeosauridae Tydperk: Middel-Jura–Laat Kryt 160–66 m. jaar gelede PreЄ Є O S D C P T J K Pg N
Groot: Deinonychus antirrhopus. Klein: Buitreraptor gonzalezorum. (Field Museum of Natural History).
Wetenskaplike klassifikasie
Koninkryk:	Animalia
Filum:	Chordata
Klas:	Sauropsida
Superorde:	Dinosauria
Orde:	Saurischia
Suborde:	Coelurosauria
Familie:	Dromaeosauridae (Matthew & Brown, 1922)
Subgroepe
†Luanchuanraptor †Ornithodesmus †Pamparaptor †Pyroraptor †Variraptor †Xiaotingia †Unenlagiinae †Microraptoria †Eudromaeosauria

Dromaeosauridae
Kladistiese klassifikasie
Koninkryk: Animalia Filum: Chordata Klade: Dinosauria Klade: Theropoda Klade: Eumaniraptora Klade: Deinonychosauria (Colbert & Russell, 1969) Superfamilie: Dromaeosauroidea Familie: Dromaeosauridae (Matthew & Brown, 1922)

Fossiele is in Noord-Amerika, Europa, Afrika, Japan, China, Mongolië, Madagaskar, Argentinië en Antarktika ontdek.^[2] Hulle het in die laat Batonium-tydsnede van die Middel-Jura sowat 164 miljoen jaar gelede hul verskyning gemaak en oorleef tot aan die einde van die Maastricht-tydsnede van die Kryt sowat 66 miljoen jaar gelede – hulle het dus langer as 100 miljoen jaar bestaan voordat hulle in die Kryt-Paleogeen-uitwissing uitgesterf het.