From Wikipedia, the free encyclopedia
Die Congress of the People (Cope, "Kongres van die mense") is 'n Suid-Afrikaanse politieke party wat in 2008 gestig is deur voormalige lede van die African National Congress.[1] Die party word aanvanklik gelei deur voormalige ANC-lede Mosiuoa Lekota, Sam Shilowa en Mluleki George en het deelgeneem aan die 2009-verkiesing. Die party se totstandkoming is aangekondig na 'n nasionale byeenkoms in Sandton op 1 November 2008 en is amptelik tydens 'n kongres gestig in Bloemfontein op 16 Desember 2008. Die naam herinner aan die 1955-kongres, ook getiteld Congress of the People, waartydens die Vryheidsmanifes deur die ANC en ander partye aangeneem is. Die party se oogmerk is om die Suid-Afrikaanse Grondwet te beskerm.
| Congress of the People | |
| Cope | |
| Leier | Mosiuoa Lekota |
|---|---|
| Slagspreuk | Reliable, Accountable, Incorruptible |
| Gestig | 16 Desember 2008 |
| Afgestig van | African National Congress |
| Hoofkwartier | Frickerweg 34–36, Illovo, Johannesburg, Gauteng |
| Studentevleuel | Congress Students Movement [CopeSM] |
| Jeugvleuel | Congress Youth Movement |
| Ideologie | Sosiale demokrasie Sosiale liberalisme Progressiwisme |
| Nasionale affiliasie | Collective for Democracy |
| Internasionale affiliasie | Geen |
| Amptelike kleure | Geel en rooi |
| Webblad | www |
In die algemene verkiesing van 2009 het die party 1 311 027 stemme en 'n 7,42%-aandeel van die stemme gekry. Ná die 2009-verkiesing het COPE 'n leierskapsgeskil ervaar tussen faksies wat Mosiuoa Lekota ondersteun en ander wat Mbhazima Shilowa ondersteun,[2] wat gelei het tot 'n 2013-hofstryd, [3] en tot in 2014 voortgeduur.[4] Ná die 2014-verkiesing het COPE met net drie setels in die Nasionale Vergadering oorgebly, af van 30 setels in 2009.[5]
Ondanks sy verminderde statuur het die party saam met die veel groter Demokratiese Alliansie (DA) en verskeie ander kleiner partye aangesluit om Nelson Mandelabaai, Johannesburg en Tshwane na die munisipale verkiesing van 2016 saam te regeer.
Mluleki George het uit COPE bedank en die United Congress in Desember 2013 gestig. George het COPE se leier Mosiuoa Lekota daarvan beskuldig dat hy die party onbehoorlik bestuur.[6][7]
In Augustus 2022 het adjunkpresident Willie Madisha verklaar dat leier Mosiuoa Lekota geskors is. Lekota het daarna verklaar dat sy skorsing onwettig was, aangesien Madisha saam met sekretaris vir kommunikasie Dennis Bloem en sekretaris vir verkiesings Mzwandile Hleko self geskors is. 'n Perskonferensie wat deur Lekota geroep is, het in 'n vuisgeveg tussen die mededingende faksies uitgesak.[8]
Madisha is in Junie 2023 deur COPE afgedank.[9]
Bloem het in Augustus 2023 uit die party bedank en gesê dat Mosiuoa Lekota, partyleier, die party in 'n 'grap' verander het, en dat hy nie meer deel van 'maagpolitiek' wil wees nie. [10]
| ██ 0–20% ██ 20–40% ██ 40–60% | ██ 60–80% ██ 80–100% |
| Verkiesing | Oos-Kaap | Vrystaat | Gauteng | KwaZulu-Natal | Limpopo | Mpumalanga | Noordwes | Noord-Kaap | Wes-Kaap | |||||||||
|---|---|---|---|---|---|---|---|---|---|---|---|---|---|---|---|---|---|---|
| % | Setels | % | Setels | % | Setels | % | Setels | % | Setels | % | Setels | % | Setels | % | Setels | % | Setels | |
| 2014[12] |  1,20% |
1/63 |
1,63% |
0/30 |
0,49% |
0/73 |
0,16% |
0/80 |
0,86% |
1/49 |
0,32% |
0/30 |
0,94% |
0/33 |
3,60% |
1/30 |
0,59% |
0/42 |
| 2009 | 13,67% | 9/63 | 11,61% | 4/30 | 7,78% | 6/73 | 1,29% | 1/80 | 7,53% | 4/49 | 2,91% | 1/30 | 8,33% | 3/33 | 16,67% | 5/30 | 7,74% | 3/42 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
