Barberton
Barberton is 'n Suid-Afrikaanse dorp, geleë in die suidooste van Mpumalanga From Wikipedia, the free encyclopedia
Barberton is een van Suid-Afrika se oudste dorpe, geleë in die suidooste van die provinsie Mpumalanga.
- Hierdie artikel handel oor die dorp in Suid-Afrika. Vir ander gebruike, sien Barberton (dubbelsinnig).
Barberton | |
|---|---|
 Die Barbertonse madeliefie | |
  Barberton Barberton se ligging in Mpumalanga | |
| Koördinate: 25°47′10″S 31°3′11″O | |
| Land |  Suid-Afrika |
| Provinsie | Mpumalanga |
| Distrik | Ehlanzeni |
| Munisipaliteit | Mbombela |
| Stigting | 1882 |
| Regering | |
| • Burgemeester | Richard Lukhele |
| Oppervlak | |
| • Totaal | 37,74 km2 (14,57 vk. myl) |
| Hoogte | 877 m (2 877 ft) |
| Bevolking (2011)[1] | |
| • Totaal | 11 997 |
| • Digtheid | 318/km2 (820/vk. myl) |
| Rasverdeling (2011) | |
| • Wit mense | 41.9% |
| • Indiërs/Asiërs | 4.9% |
| • Bruin mense | 8.5% |
| • Swart mense | 44.2% |
| • Ander | 0.4% |
| Taal (2011) | |
| • Afrikaans | 47.9% |
| • Engels | 22.7% |
| • Swazi | 20.8% |
| • Zoeloe | 2.2% |
| • Ander | 6.4% |
| Poskode (strate) | 1300 |
| Poskode (posbusse) | 1300 |
| Skakelkode | 013 |
| Webwerf | http://www.barberton.co.za |
Die dorp het sy ontstaan te danke aan die ontdekking van goud in die jaar 1882 by Kaapsehoop op die heuwels. Hierdie vonds was nie lonend nie. In Junie 1883 het Auguste Robert (wat later die bynaam French Bob gekry het) die Pioneerrif ontdek. In Junie 1883 het Graham Barber die rif by Rimer's Creek ontdek. Die Shebarif is in Mei 1885 deur Edwin Bray gevind. Hierdie rif was die rykste van almal. Suid-Afrika se goudbedryf het met die genoemde reeks ontdekkings begin. In die loop van 1886 is tot 4 000 aktiewe kleims in Barberton afgepen. Die goud het uitgewerk geraak en baie van die myne het gesluit. Die meeste delwers het na die Witwatersrand agter die goud aan getrek.
Suid-Afrika se eerste aandelebeurs is op 13 April 1887 in Barberton gestig. Die dorp het ook sy naam verleen aan die Barbertonse madeliefie (daisy), met botaniese naam Gerbera jamesonii . Die Gerbera is met groot sukses deur kwekers veredel .
Die distrik is 5 400 km2 groot. Goud speel nie meer so 'n belangrike rol nie. Die volgende gewasse is van belang: katoen, sitrus, subtropiese vrugte, tabak, koffie, rys, pekanneute en groente. Daar is ook groot bloekom-, denne- en sisalplantasies in die distrik.
Van die aarde se oudste rots word in die Makhonjwaberge in die Barberton-omgewing gevind. Die rots dateer van ongeveer 3 500 miljoen jaar gelede.[2]
- Hoërskool Barberton
- Laerskool Barberton
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
