Asteraceae

Asteraceae - ook bekend as Compositae - is die madeliefie- en distelfamilie wat behoort tot die orde Asterales. Dit is een van die grootste plantfamilies en kom wêreldwyd voor. Byna een tiende van alle blomdraende plantspesies behoort tot die familie. Wêreldwyd hoort 23 000 spesies tot die familie waarvan 2 400 in Suider-Afrika voorkom en daarvan is slegs 22 bome. Die plante maak 'n groot gedeelte uit van die lae struikgewas plantegroei van die Karoo en is ook verantwoordelik vir die blommeskouspel in Namakwaland. Baie onkruide soos die knapsekêrel, distel en senecio-spesies is deel van die familie.

Asteraceae Tydperk: 49–0 m. jaar gelede Ps Es Os Ms Pl Ps Eoseen[1] - Onlangs
'n Plakkaat met twaalf verskillende spesies van Asteraceae van die Asteroideae, Cichorioideae en Carduoideae subfamilies
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Asterids
Orde:	Asterales
Familie:	Asteraceae Bercht. & J.Presl
Tipegenus
Aster L.
Subfamilies
Asteroideae Lindley Barnadesioideae Bremer & Jansen Carduoideae Sweet Cichorioideae Chevallier Corymbioideae Panero & Funk Gochnatioideae Panero & Funk Gymnarrhenoideae Panero & Funk Hecastocleidoideae Panero & Funk Mutisioideae Lindley Pertyoideae Panero & Funk Stifftioideae Panero Wunderlichioideae Panero & Funk
Sinonieme
Compositae Giseke Acarnaceae Link Ambrosiaceae Bercht. & J. Presl Anthemidaceae Bercht. & J. Presl Aposeridaceae Raf. Arctotidaceae Bercht. & J. Presl Artemisiaceae Martinov Athanasiaceae Martinov Calendulaceae Bercht. & J. Presl Carduaceae Bercht. & J. Presl Cassiniaceae Sch. Bip. Cichoriaceae Juss. Coreopsidaceae Link Cynaraceae Spenn. Echinopaceae Bercht. & J. Presl Eupatoriaceae Bercht. & J. Presl Helichrysaceae Link Inulaceae Bercht. & J. Presl Lactucaceae Drude Mutisiaceae Burnett Partheniaceae Link Perdiciaceae Link Senecionaceae Bercht. & J. Presl Vernoniaceae Burmeist. Bron: GRIN[2]

Die blomme van die plante kan in twee soorte getipeer word: madeliefietipe of disteltipe. Die madeliefietipe het kleurvolle, kroonagtige lintblomme terwyl die disteltipe meer buisvormig is, minder blomme het en tot 'n groot mate sonder die kleurvolle kroonblare is. Al die plante het enkelvoudige blare wat meestal afwisselend gerangskik word.

Boomspesies

• Bietou (Chrysanthemoides monilifera)
• Bitterblaar (Brachylaena elliptica)
• Drietandkanferbos (Tarchonanthus trilobus)
• Fynbitterblaar (Brachylaena ilicifolia)
• Kanferbos (Tarchonanthus camphoratus)
• Kuskanferbos (Tarchonanthus littoralis)
• Kusvaalbos (Brachylaena discolor)
• Laeveldbittertee (Vernonia colorata)
• Laeveldvaalbos (Brachylaena huillensis)
• Suurbergkussingbos (Oldenburgia grandis)
• Watervaalbos (Brachylaena neriifolia)

Plantspesies

• Barbertonse madeliefie (Gerbera jamesonii)
• Bergbietou (Dimorphotheca jucunda)
• Bittergousblom (Arctotis fastuosa)
• Botterblom (Gazania krebsiana)
• Gouemagrietjie (Euryops pectinatus)
• Harpuisbossie (Euryops multifidus)
• Heuningmagriet (Euryops virgineus)
• Kakiebos (Tagetes minuta)
• Krisant (Chrysanthemum morifolium)
• Namakwalandse madeliefie (Dimorphotheca sinuata)
• Seepampoen (Arctotheca populifolia)
• Wewenaar (Bidens pilosa)
• Wildecineraria (Senecio elegans)
• Witbotterblom (Dimorphotheca pluvialis)

Sien ook

Wikimedia Commons bevat media in verband met Asteraceae.

Wikispecies

Wikispecies het meer inligting oor: Asteraceae

• Alfabetiese lys van Suid-Afrikaanse bome

Bronne

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
• Watter Boom is dit? Eugene Moll 2013 ISBN 978 1 77007 832 1

Verwysings

1. Scott, L.; Cadman, A; McMillan, I (2006). "Early history of Cainozoic Asteraceae along the Southern African west coast". Review of Palaeobotany and Palynology. 142: 47. doi:10.1016/j.revpalbo.2006.07.010.
2. Germplasm Resources Information Network (GRIN). "Family: Asteraceae Bercht. & J. Presl, nom. cons". Taxonomy for Plants. United States Department of Agriculture, Agricultural Research Service, National Genetic Resources Program, National Germplasm Resources Laboratory, Beltsville, Maryland. Geargiveer vanaf die oorspronklike op 23 September 2015. Besoek op 12 Junie 2008.