federale deelgebied van Rusland From Wikipedia, the free encyclopedia
Amoer-oblast (Russies: Аму́рская о́бласть, Amoerskaja oblast) is ’n deelgebied van Rusland. Dit lê aan die oewers van die Amoer- en die Zeja-rivier in die Verre-Oosterse Federale Distrik en die hoofstad is Blagowesjtsjensk.
Amoer-oblast Амурская область | ||||
![]() | ||||
Die ligging van Amoer-oblast in Rusland. | ||||
Politieke status | ||||
Land | ![]() | |||
Federale distrik | Verre-Oosterse | |||
Ekonomiese streek | Verre-Oosterse | |||
Stigting | 20 Oktober 1932 | |||
Regering | ||||
Hoofstad | Blagowesjtsjensk | |||
Leier | Aleksander Kozlov | |||
Amp | Goewerneur | |||
Wetgewer | Wetgewende Vergadering | |||
Bevolking | ||||
Sensus | 2010 | |||
Totaal | 830 103 | |||
Volgorde | 61ste | |||
Digtheid | 2,28/km2 | |||
Stedelik | 66,8% | |||
Plattelands | 33,2% | |||
Statistiek | ||||
Oppervlakte | 363 700 km2 | |||
Volgorde | 14de | |||
Tydsone | UTC+10:00 | |||
Registrasienommer | 28 | |||
Amptelike tale | Russies | |||
Webtuiste | http://www.amurobl.ru/ | |||
Wapen en vlag | ||||
![]() ![]() | ||||
|
Dit grens aan die Republiek van Sacha (Jakoetië) in die noorde, Chabarofsk-krai en die Joodse Outonome Oblast in die ooste, China in die suide en Zabaikalski-krai in die weste. Dit het in 2008 ’n bevolking van 869 600 gehad.[1]
Amoer-krai (Аму́рский край) en Priamoerje (Приаму́рье) is nie-amptelike name wat in die tyd van die Russiese Ryk gebruik is vir Russiese gebiede aan die Amoer-rivier. Dit stem min of meer ooreen met die huidige Amoer-oblast.
Die administratiewe hoofstad van die streek, Blagowesjtsjensk, is een van die oudste nedersettings in die Russiese Verre-Ooste. Dit is in 1856 gestig en is ’n tradisionele sentrum van handel en die goudmynbedryf. Die gebied kan met twee spoorlyne bereik word, die Transsiberiese Spoorlyn en die Baikal-Amoer-hooflyn.
Die Stanowoi-bergreeks vorm die grenslyn tussen Sacha en die Amoer-oblast en loop al langs die oblast se noordelike grens. Die Zeja-rivier ontspring in dié berge. In die middel van die rivier is die groot Zeiski-dam gebou, wat 2 500 km2 groot is en tussen die Stanowoi-berge en ’n parallelle suidelike reeks lê wat deur die middel van die oblast loop. Die laagland tussen die twee bergreekse vorm die Opper-Zeiski-vlakte, hoofsaaklik moerasse met lorke- en dennewoude. Suid van die tweede reeks lê die uitgestrekte Amoer-rivier-vlakte, wat tot 40% van die oblast vorm.
Amoer-oblast het ’n aansienlike hoeveelheid van verskillende mineraal-neerslae wat geraam word op ’n waarde van $400 miljard. Van die belangrikstes is goud, silwer, titaan, molibdeen, wolfram, koper, tin, ens. Daar is na raming 70 miljard ton steenkool en ligniet en moontlik 3,8 miljard ton yster.
Nywerheid is baie belangrik in die Amoer-oblast. Die belangrikste sektor is vervaardiging – veral van kos- en drankprodukte asook masjiene soos skeepsbou- en landbou-masjinerie, myntoerusting, elektriese toestelle en gereedskap.
Mynbou maak 19,9% van die nywerheid uit – veral van goud, uraan en steenkool.
Volgens ou Chinese manuskripte het hier in die 400's al mense gewoon. Baie eeue later, in die 1600's, is die gebied deur die Mantsjoes beset voor hulle China binnegeval het. Dit is later aan die Qing-dinastie teruggegee en in 1858 deur Rusland geannekseer.
In die middel 17de eeu het Russe die gebied begin binnestroom. Hulle was op soek na ’n meer gematigde klimaat as in die noorde. Hulle is later deur veral Kosakke gevolg en ná die voltooiing van die Transsiberiese Spoorlyn kon talle mense die gebied maklik bereik.
Volgens die 2002-sensus maak Russe 92% van die bevolking uit, Oekraïners 3,5%, Belarusse 0,8% en Tartare 0,5%. Die grootste stede is Blagowesjtsjensk, (219 000 inwoners), Belogorsk (67 400), Swobodni (63 900), Tinda (40 100) en Raitsjichinsk (24 500).[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.