Amar Gopal Bose (Bengaals: |অমর বোস, * 2 November 1929 in Philadelphia, Pennsilvanië; † 12 Julie 2013 in Wayland, Massachusetts) was 'n Amerikaanse akademikus en entrepreneur aan wie erelidmaatskap van die Amerikaanse Audio Engineering Society (AES) toegeken is. Bose, wat 'n akademiese opleiding as elektriese en klankingenieur gevolg het, was 45 jaar lank as professor aan die Massachusetts Institute of Technology (MIT) verbonde.
Amar Bose | |
|---|---|
| Gebore | Amar Gopal Bose 2 November 1929 |
| Sterf | 12 Julie 2013 (op 83) Wayland, Massachusetts |
| Nasionaliteit |  Verenigde State |
| Beroep | Ingenieur, uitvinder, entrepreneur, stigter van die Bose Corporation |
| Termyn | 1975–2018 |
| Eggenoot | Ursula Boltzhauser (weduwee) Prema Bose (geskei) |
| Kinders | Vanu Bose Maya Bose |
| Ouer(s) | Noni Gopal Bose en Charlotte |
Internasionaal het Amar Bose bekendheid verwerf as stigter van die Bose Corporation, 'n privaat maatskappy wat sedert 1964 oudio-toerusting volgens nie-konvensionele beginsels ontwerp, ontwikkel en bemark. So het Bose Corporation vir die ontwikkeling van sy luidsprekerstelsels begin om rekening te hou met psigo-akoestiese aspekte. Die doelwit is enersyds om die klankatmosfeer en -karakter van 'n ouditorium of ander konsertsaal met al sy onregstreekse klankweerkaatsings te reproduseer (die konvensionele konsep van hoëtroustelsels is die analitiese en presiese weergawe van klank waarvoor Bose-stelsels minder geskik is), andersyds om luidsprekers met kompakte afmetings te vervaardig. Hiervoor maak Bose Corporation onder meer gebruik van effenaars.
In 2011 het Bose 'n meerderheid aandele aan dié onderneming as nie-stemgeregtigde aandele aan die MIT geskenk om die instituut se missie as onderwys- en navorsingsinstelling te bevorder.[1]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
