From Wikipedia, the free encyclopedia
William is die bynaam van 'n beeldjie van 'n seekoei in faience ('n soort keramiek) uit Antieke Egipte. Dit is die informele gelukbringer van die Metropolitan Museum of Art in New York.
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die beeldjie stel 'n seekoei voor en is van Egiptiese faience, 'n keramiek materiaal van halfedelsteen, gemaak. Dit is voorsien van blougroen emalje, met 'n lengte van 20 cm, 7,5 cm hoog en 11,2 cm breed. Die liggaam is met rivierplante soos die blou lotus geverf, wat die natuurlike habitat van dié diere simboliseer.[1]
Die faience-seekoei is in Mei 1910 in die graf van Senbi II (Steward Senbi) in Meir in Egipte gevind. Die Antieke Egiptiese graf dateer uit die 12de Dinastie van Egipte (circa 1961 – 1878 v.C.), tydens die bewind van Senoesret I tot Senoesret II. Die beeldjie is in 1917 deur Edward S. Harkness saam met nog enkele ander beeldjies uit dieselfde graf aan die museum geskenk.
Hierdie klein beeldjie in Egiptiese faience is gewild, nie net as gevolg van sy voorkoms nie, maar ook omdat sy kenmerkende eienskappe baie van die belangrikste fasette van handwerkproduksie in Antieke Egipte uit daardie tyd illustreer.[1]
In die begin van die 20ste eeu besit kaptein H.M. Raleigh en sy familie 'n foto van die seekoei en begin na hom as William te verwys. Raleigh publiseer op 18 Maart 1931 'n artikel oor die seekoei in die tydskrif Punch, waarin hy geskryf het: "He is described on the back of the frame as "Hippopotamus with Lotus Flowers, Buds and Leaves, XII Dynasty (about 1950 B.C.), Series VII, Number i, Egyptian Faience;" but to us he is simply William."[2] Die artikel is in Junie 1931 in die Metropolitan Museum of Art Bulletin gepubliseer en die naam het gebly. In 1936 het the Met 'n boek gepubliseer met die titel William and his Friends: A Group of Notable Creatures in the Metropolitan Museum of Art.[3] Sedertdien het William in sommige museumlogo's en -artikels vir beide kinders en volwassenes verskyn. The Met begin vir die eerste keer met die verkoop van reproduksies van William in die 1950's, wat deesdae deur M. Hart Pottery vervaardig word.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
