![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/84/V%25C3%25A4nern_NASA.jpg/640px-V%25C3%25A4nern_NASA.jpg&w=640&q=50)
Vänernmeer
From Wikipedia, the free encyclopedia
Die Vänernmeer (Sweeds: Vänern, [ˈvɛ̂ːnɛɳ]) is die derde grootste meer in Europa ná die Ladogameer en die Onegameer (beide in Rusland) met 'n oppervlakte van 5 450 km². Daarbenewens is dit die grootste meer van Skandinawië, Swede en die Europese Unie. Dit is in die suidweste van Swede, tussen Stockholm in die ooste en Gotenburg in die weste, geleë en grens aan die provinsies Västergötland, Dalsland en Värmland.
![Thumb image](http://upload.wikimedia.org/wikipedia/commons/thumb/7/7e/Sweden_from_cia.png/320px-Sweden_from_cia.png)
![Thumb image](http://upload.wikimedia.org/wikipedia/commons/thumb/3/37/Hjortens_Udde%2C_lake_V%C3%A4nern_Sweden%2C_2003-04.jpg/320px-Hjortens_Udde%2C_lake_V%C3%A4nern_Sweden%2C_2003-04.jpg)
Vänernmeer | |
---|---|
![]() Nasa-Satellietbeeld van die Vänernmeer | |
![]() Kaart van die Vänernmeer | |
Koördinate: | 58°55′N 13°30′O |
Ligging: | Swede |
Soort: | Binnemeer |
Oppervlakte: | 5 450 km² (2 104 myl²)[1] |
Gemiddelde diepte: | 27 m (89 vt)[1] |
Maksimum diepte: | 106 m (348 vt)[1] |
Volume: | 153 km³ (37 myl³)[1] |
Lengte: | 150 km (93 myl)[1] |
Breedte: | 81 km (50 myl)[1] |
Opvangsgebied: | 51 100 km² (19 730 myl²)[1] |
Omtrek: | 2 700 km (1 678 myl)[1] |
Invloei: | Klarälven, Gullspångsälven, Byälven, Norsälven, Lidan, Tidan |
Uitvloei: | Göta älv |
Eiland/e: | Torsö, Hammarön, Djurö, Lurö, Kållandsö en Brommö |
Nedersettings: | Karlstad, Åmål, Säffle, Vänersborg, Kristinehamn, Lidköping en Mariestad |
Die Vänernmeer vorm saam met die Vätternmeer deel van 'n waterweg regdeur Swede tussen Gotenburg in die weste en die Oossee in die ooste, wat die Trollhätte-kanaal langs die Göta älv in 'n westelike rigting en die Göta-kanaal in 'n oostelike rigting insluit.
Gedurende die laaste ystydperk was die Vänernmeer met die see verbind, wat tot vandag toe in beide sy flora en fauna sigbaar is, byvoorbeeld mariene lewensvorme in varswater. In die see leef 35 verskillende visspesies. Sy topografie is te danke aan die postglasiale opheffing.