From Wikipedia, the free encyclopedia
Die nasionale vlag van Costa Rica is op 21 Oktober 1964 amptelik in gebruik geneem. Die vlag vertoon ’n vertikale driekleur in vyf bane in (van bo na onder) blou, wit, rooi, wit en blou. Die blou en wit bane is ewe wyd en die rooi baan is twee keer so wyd soos een van die ander bane.
![]() |
|
Gebruik | Burgerlike vlag en vaandel ![]() |
---|---|
Verhouding | 3:5 |
Goedgekeur | 27 November 1906 en 21 Oktober 1964 |
Ontwerp | ’n Vertikale driekleur in blou, wit, rooi, wit en blou. |
Ontwerp deur | Pacífica Fernández |
![]() |
|
Gebruik | Staatsvlag en vaandel en Oorlogsvlag ![]() |
Verhouding | 3:5 |
Ontwerp | Dieselfde as hier bo met die land se wapenskild in die helfte van die vlagpaalkant in die rooi baan. |
Die drie kleure in die vlag het elk ’n simboliese betekenis. Blou stel die hemel voor asook die kanse wat verwesenlik kan word, idealisme, volharding en religieuse en spirituele verlange. Wit stel vrede, wysheid en geluk voor. Rooi stel die bloed van die martelaars in die stryd om onafhanklikheid voor asook lewensvreugde en die vrygewigheid van die volk. Die kleure het oorspronklik deur middel van die kleure van die Franse vlag verwys na die ideale van die Franse rewolusie (vryheid, gelykheid en broederskap).[1]
Die blou-wit-blou (dus sonder die rooi baan), verwys na die vlae van baie ander Amerikaanse lande wat met hulle blou-wit-blou die ligging van Amerika uitbeeld; sien onder ander vlae.
Die vlag word in die Costa Ricaanse volkslied, Noble patria, tu hermosa bandera, besing.
Die vlag het ’n wydte-breedteverhouding van 3:5. Die rooi baan neem een derde van die wydte van die vlag in en elk van die wit en blou bane neem een sesde van die wydte in.[1] Die vyf bane is dus in die verhouding 1:1:2:1:1.
Die middel van die wapenskild in die staatsvlag is op drie tiendes van die vlagpaalkant af.[1]
Die kleurskema word hieronder gelys:
![]() |
Blou | Rooi | Wit | |||
---|---|---|---|---|---|---|
RGB | 0, 43, 127 | 206, 17, 38 | 255, 255, 255 | |||
Heksadesimaal | 002B7F | CE1126 | FFFFFF |
Costa Rica het in 1821 sy eerste vlag in gebruik geneem. Dit het bestaan uit drie horisontale bane in blou-geel-blou. Die blou het die oseane voorgestel en die geel die ‘goue’ Amerika. Die vlag is in September 1821 in gebruik geneem deur teenstander van aansluiting by die Eerste Meksikaanse Ryk en het tot in Mei 1822 in gebruik gebly. Tussen 10 Mei en 6 Junie 1823 is hierdie vlag ook weer gebruik. Op die laasgenoemde datum het Costa Rica onafhanklik geword van die Meksikaanse Ryk (dit was sedert 1821 amptelik deel van die Ryk). By die verkryging van onafhanklikheid is ’n nuwe vlag aangeneem waarop ’n rooi sespuntige ster op ’n wit agtergrond was (soortgelyk aan die vroeë vlag van Stellaland ).
Die vlag met die rooi ster was nie lank in gebruik nie: op 4 Maart 1824 is weer ’n nuwe vlag aanvaar, synde die vlag van die Federale Republiek van Sentraal-Amerika. Costa Rica het op daardie stadium deel uitgemaak van die Federale Republiek van Sentraal-Amerika. Hierdie vlag het bestaan uit drie horisontale bane in blou, wit en blou met die seël van die federasie in die middel van die wit baan.
Op 2 November is die seël van Costa Rica in die onderste baan geplaas en het Costa Rica dus weer ’n eie vlag gekry. Twintig dae later is die seël van die Federale Republiek van Sentraal-Amerika (in die middelste baan) verander omdat ’n nuwe grondwet aanvaar en die land is herdoop na die Federale Republiek van Sentraal-Amerika. Hierdie vlag het tot in 1840 in gebruik gebly.
Intussen het Costa Rica hom in 1838 onafhanklik verklaar waardeur die seël van die federasie dikwels uit die vlag gelaat is. In Februarie 1841 is die Federale Republiek van Sentraal-Amerika amptelik opgehef en Costa Rica is in daardie periode internasionaal erken as ’n onafhanklike staat. Costa Rica het toe ’n horisontale wit, blou en wit vlag in gebruik geneem, met die seël van die land in die middel van die blou baan (maar nie in die burgerlike vlag nie). Hierdie vlag was tot in 1842 in gebruik. In daardie jaar is ’n nuwe vlag aanvaar wat vir ses jaar gehou het. Hierdie vlag was ’n horisontale vlag in blou, wit en blou met die (nuwe) seël in die middel van die wit baan.
Die huidige vlag is in 1906 aanvaar. Op 21 Oktober 1964 is daar klein wysigings deurgevoer in die wapenskild: die aantal sterre is met een vermeerder na sewe. Deur hierdie vernuwing van die wapen het ook die oorlogsvlag beïnvloed.[1]
Costa Rica is die enigste van die lidlande van die voormalige Federale Republiek van Sentraal-Amerika wat nie die blou-wit-blou van daardie vlag behou het nie.