Sisilië

Sisilië (Italiaans: Sicilia, [siˈtʃiːlja]; Sisiliaans: Sicìlia) is 'n eilandgebied van Italië in die Middellandse See en 'n outonome administratiewe gewes van Italië. Die eiland is in Europa in die suidweste van Italië, in die suidooste van Sardinië en ten noorde van Malta geleë.

Nasa-Satellietbeeld van Sisilië

Kaart van Sisilië

---Sidenote START---

Wapen en vlag
Algemene gegewens
Volkslied:	Madreterra (Sisiliaans vir: "Moederland")
Hoofstad:	Palermo
Amptelike tale:	Italiaans en Sisiliaans
Administratiewe verdeling:	9 provinsies
Oppervlakte:	25 711 vk km
Bevolking:	5 029 675 (2017)
Bevolkingsdigtheid:	195,6 inwoners per vk km
Webwerf:	pti.regione.sicilia.it
ISO 3166-2:	IT-82
President:	Nello Musumeci (Diventerà Bellissima)
Kaart

Sisilië is die grootste eiland in die Middellandse See. Sisilië het 'n bevolking van 5 029 675 in 2017 gehad en beslaan 'n oppervlakte van 25 711 km². Die hoofstad en grootste stad is Palermo. Die amptelike tale is Sisiliaans en Italiaans.

Geografie

Die vulkaan Etna is 'n bekende vuurspuwende landmerk op Sisilië. Die Egadi-eilande is net wes van Sisilië.

Vervoer

Daar is sowel treinverbindings as motorweë tussen Sisilië en die punt van Italië. Hoewel 'n reuse vervoerbrug al sedert 1865 beplan word, word treine en motors steeds op veerbote gelaai om die water na en van die vasteland oor te steek.

Padvervoer

In die jongste vier dekades is motorweë dwarsoor die eiland gebou en uitgebrei. Die bekendste van die Sisiliaanse paaie is die autostrada wat langs die noordelike deel van die eiland loop. Groot dele van die motorweg is op pilare gebou, as gevolg van die bergagtige terrein van die eiland.^[1][2][3][4] Ander hoofweë in Sisilië is die SS.113 Strade Statali wat Trapani met Messina (via Palermo) verbind, die SS.114 Messina-Sirakuse (via Catania) en die SS.115 Sirakuse-Trapani (via Ragusa, Gela en Agrigento).

Spoorvervoer

Die eerste spoorlyn in Sisilië is in 1863 tussen Palermo en Bagheria geopen. Vandag word al die Sisiliaanse provinsies tussen meeste dorpe en stede, deur 'n netwerk spoorverbindings bedien deur Trenitalia. In Catania is daar sedert 1999 'n Metrotrein wat op 'n deel van die FCE-spoorlyn loop.

Lugvervoer en hawens

Daar is lughawens in Catania, Palermo en Trapani.

Ter see word Sisilië deur verskeie veerbootroetes en vraghawens bedien, en in alle groot stede dok lynskepe op 'n gereelde basis.

Fotogalery

• 
  Die A20 Messina-Palermo motorweg.
• 
  Twee treine binne die Punta Raisi spoorwegstasie in Palermo Internasionale Lughawe.
• 
  'n Trem in Messina.
• 
  Die Donnafugata wynkelder.
• 
  Palermo
• 
  Catania
• 
  Messina
• 
  Siracusa
• 
  Ragusa
• 
  Segesta

Sien ook

• Sisiliaanse Mafia

Verwysings

1. "A 19 autostrada Palermo – Catania" (in Italiaans). SiciliaEMoto.it. 2 Januarie 2008. Geargiveer vanaf die oorspronklike op 23 Januarie 2019.
2. "Autostrada A20: Messina – Palermo" (in Italiaans). Sicilia.Indettaglio.it. 24 Oktober 2007. Geargiveer vanaf die oorspronklike op 21 November 2019. Besoek op 9 Mei 2013.
3. "A 29 autostrada Palermo – Trapani – Mazara del Vallo" (in Italiaans). SiciliaEMoto.it. 2 Januarie 2008. Geargiveer vanaf die oorspronklike op 23 Januarie 2019.
4. "Autostrada: A18 Messina – Catania" (in Italiaans). Sicilia.Indettaglio.it. 24 Oktober 2007. Geargiveer vanaf die oorspronklike op 1 November 2019. Besoek op 9 Mei 2013.

Eksterne skakels

Wikimedia Commons bevat media in verband met Sisilië.

• (en) Toerisme-inligting oor Sisilië op Wikivoyage
• (it) Amptelike webwerf van die Outonome Region Sisilië

	Administratiewe streke van Italië
	Abruzze (Abruzzo) • Apulië (Puglia) • Basilicata • Kalabrië (Calabria) • Kampanië (Campania) • Emilia-Romagna • Friuli-Venezia Giulia • Latium (Lazio) • Ligurië (Liguria) • Lombardye (Lombardia) • Marke (Marche) • Molise • Piëmont (Piemonte) • Sardinië (Sardegna) • Sisilië (Sicilia) • Toskane (Toscana) • Trentino-Suid-Tirol (Trentino-Alto Adige) • Umbrië (Umbria) • Valle d'Aosta • Veneto