Persiese mitologie

Die Persiese mitologie of Irannese mitologie (Persies: افسانه‌های ایران) is die mites wat deur die antieke Perse en ander Irannese volke vertel is. Dié stories gaan oor die ontstaan en aard van die wêreld, die lewens en dade van gode, helde en mitologiese wesens, asook die oorsprong en betekenis van die antieke Persiese kultusse en rituele praktyke.

'n Griffioenagtige standbeeld uit Persepolis, Iran, omstreeks 500 v.C. Die figure word beskou as verteenwoordigend van die Persiese Hoema-voël.^[1]

Moderne geleerdes bestudeer die mites om 'n begrip te kry van die godsdienstige en politieke instellings van nie net die hedendaagse Iran nie, maar ook Groter Iran, wat streke insluit soos Wes-Asië, Sentraal-Asië, Suid-Asië en Transkaukasus, waar die Irannese kultuur 'n groot invloed gehad het. Dit is histories streke wat lank regeer is deur dinastieë van verskeie Irannese ryke. Dit sluit in die Mede, Achaemeniede, Parters, Sassaniede, Samaniede en talle ander kulture.^[2][3]

Sien ook

• Zoroastrisme

Verwysings

1. Curtis, John; Tallis, Nigel, eds. (2005), Forgotten Empire, the World of Ancient Persia, London: British Museum Press, ISBN 978-0-7141-1157-5
2. Marcinkowski, Christoph (2010). Shi'ite Identities: Community and Culture in Changing Social Contexts. LIT Verlag Münster. p. 83. ISBN 978-3-643-80049-7.
3. "Interview with Richard N. Frye (CNN)". Geargiveer vanaf die oorspronklike op 23 April 2016.

Skakels

• Wikimedia Commons het meer media in die kategorie Persiese mitologie.
• Hierdie artikel is in sy geheel of gedeeltelik uit die Engelse Wikipedia vertaal.