Orde van die Britse Ryk

Die Orde van die Britse Ryk (Engels: Most Excellent Order of the British Empire) is die jongste ridderorde in Brittanje en die Statebond.^[1] Dit is op 4 Junie 1917 deur koning George V gestig en het vyf klasse, burgerlik en militêr. 'n Lid van die eerste twee klasse is ’n ridder of dame.^[2]

Grootkruis van die Orde van die Britse Ryk.

’n MBE-medalje met ’n burgerlike band.

Daar is ook die verwante Britse Ryk-medalje, waarvan die lede by die orde ingelyf is, maar nie lede van die orde is nie.

Huidige klasse

Die vyf klasse van die orde is, van die mees senior af:

1. Grootkruis (Ridder of Dame) van die Orde van die Britse Ryk (GBE)
2. Ridderkommandeur of Damekommandeur van die Orde van die Britse Ryk (KBE of DBE)
3. Kommandeur van die Orde van die Britse Ryk (CBE)
4. Offisier van die Orde van die Britse Ryk (OBE)
5. Lid van die Orde van die Britse Ryk (MBE)

Ná die Tweede Wêreldoorlog het verskeie Suid-Afrikaners hierdie toekenning ontvang: 41 die CBE, 147 die OBE, 363 die MBE en 224 die Britse Ryk-medalje.^[3]

Verwysings

1. "Order of the British Empire". The Official Website of the British Monarchy (in Engels). The Royal Household. Geargiveer vanaf die oorspronklike op 8 April 2020. Besoek op 24 Augustus 2009.
2. London Gazette, uitg. 30250, bylae 2. 24 Augustus 1917
3. Ensiklopedie van die Wêreld, Deel 2. C.F. Albertyn (Edms.) Bpk, Stellenbosch, Suid-Afrika. 1971